- Günay xanım, spirtli içki asılılığı nədir?

- O insanlar ki, həyatlarının çox hissəsini spirtli içki əhatə edir, zamanlarının çox hissəsini spirtli içkiyə həsr edirlər, ailələrindən, sosial aktivliklərindən uzaq olurlar, zamanlarının çox hissəsini yalnız spirtli içkiyə həsr edirlər, digər həyati tələbatlar öz aktuallığını itirirsə, həmin insanlar spirtli içki asılılığından (alkoqolizmdən) əziyyət çəkirlər. Alkoqolizm spirtli içkinin mütəmadi qəbulu zamanı yaranan, özündə bioloji, psixi, ruhi və sosial problemləri cəmləşdirən xəstəlikdir.

- Bu asılılıq nədən yaranır?

- Bu həm genetik faktorlardan ola bilir – yəni atadan, əmidən, dayıdan keçmə olur, həm də psixoloji səbəblərdən ola bilir. İnsanların tənhalığı, yalnızlığı, bu həyatda özünüz təsdiq edə bilməməklərindən, öz sözlərini deyə bilməməklərindən də ola bilir. Belə insanlar spirtli içki qəbuluna əvvəl alışmağa başlayırlar, get-gedə daim qəbul etməyə başlayırlar. Daha sonra məcburiyyətə dönür və artıq bir müddət sonra içməmək öz əllərində olmur.

- İçki aludəçiləri hansı davranışları ilə fərqlənirlər?

- Spirtli içkinin yaratdığı ən böyük fəsadlardan biri odur ki, onlar özlərinə haqq qazandlrmaq üçün, özlərini müdafiə etmək üçün aqressiv davranışlar sərgiləyirlər. İçkiyə yaranan asılılıq onlarda yalnış, qeyri-adekvat davranışlar sərgiləməyə, şiddətə əl atmağa gətirib çıxardır. Bəzən törətdikləri əməlləri, yalnış davranışları spirtli içkinin üzərinə atırlar ki, bu da onların ən böyük bəhanələridir. Bununla da insanları aldadırlar. Bədən içkini tələb etdiyi üçün onu əldə etməyə görə müxtəlif yalanlar danışırlar, bəhanələr gətirirlər, böhtanlar ataırlar, konfilikt yarada bilirlər. Bütün bunlar spirtli içki asılılığından əziyyət çəkən insanlara xas xüsusiyyətlərdir.

- Bəs içki asılılığından necə xilas olmaq olar?

- Hər şeydən əvvəl insan düşdüyü bu vəziyyətdən qurtulmağı istəməlidir və qərarında qəti olmalıdır. Müalicə almalıdır və burada məqsəd içkinin tam buraxılması olmaldır . Müalicə başlayandan içkinin qəbulunu dayandırmalıdır və müalicə istədiyi nəticəni verməsi üçün həm də psixoloji yardım almalıdır.

- Mütəmadi içki qəbul edən insanların səhhətində hansı problemlər yaranır?

- Asılılıqdan əziyyət çəkən insanlarda bir müddət sonra psixoz halına gətirib çıxarda bilir. Asılılıq beyinə zərər verdiyinə görə, psixoloji akpektdən onlarda böyük dəyişikliklər baş verir ki, burada yaddaş pozuntusu yaranır, düşüncə tərzində müəyyən ləngimələr olur, təfəkkürdə xətalar baş verir, sinir sitemimdə pozğunluq olur, gərgin, əsəbi olurlar, gecə sayıqlayırlar və s. Daxili orqanlarda həm orqanik, həm də psixoloji dəyişikliklər baş verdiyinə görə onların yaşam müddəti də qısalır.

Əlaqə nömrəsi: (050) 320 95 81скачать dle 10.6фильмы бесплатно