- Nuranə xanım, necə oldu ki, həkim oldunuz?

- Həkim olmaq mənim uşaqlıq arzum olub. Valideynlərim həmişə böyüyəndə kim olacağamı soruşanda deyirdim ki, mən həkim olacağam. Şükür ki, arzuma çatdım. Nə yaxşı ki, həkim oldum. İşimi çox sevirəm.

- Artıq neçə ildir ki, bu sahədəsiniz?

- On beş ildən artıqdır ki, bu sahədə fəaliyyət göstərirərm.

- İş prinsipiniz nədən ibarətdir?

- Hər bir pasientə individual yanaşmaq əsas iş prinsipimdir. Çünki eyni xəstəlik ayrı-ayrı fərdlərdə müxtəlif gedişli ola bilər. Bir də ki, vaxtında və düzgün diaqnoz qoymaq çox vacib məsələdir. Çünki düzgün qoyulmuş diaqnoz müalicənin yarısı deməkdir.

- Öz sahəniz üzrə hansı işləri icra edirsiniz?

- Revmatologiya ilə bağlı 250-dən çox xəstəlik var. Mən bu xəstəliklərin diaqnostikası və müalicəsi ilə məşğul oluram.

- Son zamanlarda sizə daha çox hansı xəstəliklərlə bağlı müraciətlər olur?

- Daha çox oynaq xəstəlikləri ilə bağlı müraciət edirlər.

- Xarakter olaraq necə birisiniz?

- Xarakter olaraq mülayim biriyəm. Əslində həkim soyuqqanlı olmalıdır. Amma mən insanların ağrı-acısını öz ağrı-acım kimi hiss edirəm. Buna görə də, soyuqqanlı olmağı bacarmıram.

- Ailəlisinizmi?

- Bəli, ailəliyəm. Üç övladım var.

- Bir həkim olaraq nəyə “yox” deyirsiniz?

- Düzgün diaqnoz qoyulmamış müalicəyə başlamağa qəti surətdə “yox” deyirəm. Çünki səhv diaqnoz səhv müalicə deməkdir. Həkimlər bu sahədə hər zaman diqqətli olmalıdırlar.

- Oxuculara nə məsləhət görürsünüz?

- Hər kəsə can sağlığı arzu edirəm. Xəstələnəndə, həkimə müraciət edəndə hər sahənin öz peşəkarına müraciət etsinlər.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu iş bu qədər ağır və məsuliyyətli bir iş olar. Həkimin hər zaman öz üzərində çalışması və yeniliklərlə maraqlanması çox vacibdir.

Əlaqə nömrəsi: (055) 679 51 27




скачать dle 10.6фильмы бесплатно