- Günay xanım, necə oldu ki, həkim oldunuz?

- Mən həkim ailəsində böyümüşəm. Atam da, anam da həkim olub. Onlara baxıb bu sahəni sevdim və qərara gəldim ki, mən də həkim olacağam.

- Artıq neçə ildir ki, bu sahədə fəaliyyət göstərirsiniz?

- Artıq on yeddi ildir ki, bu sahədə çalışıram.

- Öz sahəniz üzrə hansı işləri icra edirsiniz?

- Mən müalicə işindən başlamışam. İnternaturanı bitirdikdən son məni Akademik Zərifə Əliyeva adına göz klinilasına işə götürdülər. Sonra kurslara yazıldım və biliyimi daha da təkmilləşdirdim. Gözə aid bütün xəstəliklərin müayinə və müalicəsi ilə məşğul oluram. Əməliyyatlar icra edirəm. Mən katarakta və qlakoma üzrə daha çox ixtisaslaşmışam.

- Hansı yaş qrupuna aid pasientlərlə çalışırsınız?

- Bütün yaş qrupuna aid olan pasientləri qəbul edirəm.

- Son zamanlarda pasientlər sizə daha çox hansı problemlərlə bağlı müraciət edirlər?

- Daha çox şəkər və göz təzyiqi ilə bağlı müraciətlə çox olur. Bu problemlərin də əsas səbəbi insanların vaxtında göz müayinəsindən keçməməsidir.

- Xarakter olaraq necə birisiniz?

- Çox məsuliyyətli və diqqətcil bir insanam.

- Oxuculara nə məsləhət görürsünüz?

- Məsləhət görürəm ki, 40 yaşından sonra ildə ən azı iki dəfə göz təzyiqlərini yoxlatsınlar. Gün eynəklərindən düzgün istifadə etsinlər və eynəklərini tez-tez dəyişsinlər. Ümumiyyətlə, göz vacib bir orqandır. Onu qorusunlar.

Əlaqə nömrəsi: (055) 330 30 91



скачать dle 10.6фильмы бесплатно