- Novruz müəllim, əvvəlcə sizi tanıyaq...

- Mən 1967-cı ildə Cəlilabad rayonunda anadan olmuşam. Orta məktəbi bitirdikdən sonra Azərbaycan Dövlət Politexnik Universitetini bitirmişəm. Universiteti bitirdikdən sonra tikinti sahəsinə marağım olduğuna görə, şəxsi evlərin tikintisi ilə məşğul olmuşam. 2008-ci ildə Suraxanı rayonunun parkını tikmək mənə həvalə olundu. İşimi bitirdikdən sonra sözügedən rayonun ərazisindəki parkların əksəriyyətinin tikintisi ilə də bilavasitə mən məşğul oldum. Hal-hazırda Şirvan şəhərində böyük bir park tikmişik. Artıq tamamlanma işləri gedir. Ümumiyyətlə, indiyə qədər bir çox dövlət layihələrini icra etmişəm.

- Artıq neçə ildir ki, bu işlə məşğul olursunuz?

- Artıq 14 ildir ki, bu sahədə faəliyyət göstərirəm.

- Bu illə ərzində nə müşahidə etdiniz?

- Mən həmişə halal yemişəm. Öz işimdən zövq almışam. Mənim zənnicə, insan üçün ən uca zirvə onun Allahın yanında alnıaçıq olmağıdır. Əgər mən gördüyüm işlərə görə camaatın alqışını və duasını qazanıramsa, nə xoş mənim halıma.

- Xarakter olaraq necə birisiniz?

- Xarakter olaraq mülayim və hər insanla dil tapmağı bacaran bir insanam.

- İndi sizin sahənizdə çalışan gənc nəslin nümayəndələri var. Onların işini necə dəyərləndirirsiniz?

- Bizdə çox savadlı və istedadlı gənclər var. Təəssüflər olsun ki, bizdə belə hallara bir az laqeyd yanaşılır. Savadlı gənclərin savadını qiymətləndirmək lazımdır.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Əslində bu sahəyə sevə-sevə gəldiyim üçün qazanacağım uğurları təxmin etmişdim.


скачать dle 10.6фильмы бесплатно