- Oksana xanım, necə oldu ki, həkim oldunuz?

- Bu sahəyə marağım lap kiçik yaşlarımdan olub. Hələ bağçada ikən uşaqları və gəlincikləri "müalicə" edirdim. Məndən hansı peşə sahibi olmaq istədiyimi soruşduqda birmənalı olaraq "həkim" olacağam deyirdim. Zaman keçdi, böyüdüm və öz istəyimə çatdım. Nə yaxşı ki, həkim oldum. Öz işimi çox sevirəm.

- Artıq neçə ildir ki, bu sahədəsiniz?

- Artıq 10  ildir ki, bu sahədə fəaliyyət göstərirəm.

- İş prinsipiniz nədən ibarətdir?

- Əsas iş prinsipim pasientə zərər verməməkdir. Bundan başqa, pasientlərimə özüm kimi yanaşıram, onlara özüm kimi rəftar edirəm. Bir də ki, dəqiq diaqnoz qoymaq və ən təsirli müalicəni təsir etmək də iş prinsiplərim sırasındadır.

- Pasientlər sizə daha çox nə ilə bağlı müraciət edirlər?

- Mənə müraciət edən insanlar əsasən qulaqda olan agrı, küy və eşitmənin zəiflənməsi, burun tənəffüsünün pozulması, baş ağrıları, boğazda olan agrılar və digər şikayətlər ilə müraciət edirlər.

- Öza sahəniz üzrə hansı işləri icra edirsiniz?

- Qulaq, burun, boğaz xəstəliklərin müalicəsi və bu orqanların cərrahi əməliyyatlarını icra edirəm.

- Xarakter olaraq necə birisiniz?

- Mən həyatsevər, şən və pozitiv, eyni zamanda dürüst və çox tələbkar insanam.

- Ailəlisinizmi?

- Bəli, ailəliyəm. İki oğlum var.

- Bir həkim olaraq nəyə "yox" deyirsiniz?

- Bir həkim olaraq insanların öz sağlamlıqlarına qarşı laqeyd yanaşmaların, mütəxəssis məsləhəti olmadan evdə özünü "müalicə"yə və pis vərdişlərə qəti surətdə "yox" deyirəm.

- Oxuculara nə məsləhət görürsünüz?

- Məsləhət görürəm ki, öz sağlamlıqlarının qeydinə qalsınlar, cünki sağlam bədəndə sağlam ruh olar. Düzgün qidalanmaya, yuxu rejiminə və istirahətlərinə fikir versinlər. Unutmayaq ki, sağlamlığımız öz əlimizdədir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu sahənin bu qədər çətinliyi olar və bir qadın, bir ana olaraq mən bu işin öhdəsindən gələ bilərəm.

Əlaqə nömrəsi: (055) 408 04 98