- Sənubər xanım, necə oldu ki, bu sahəyə gəldiniz?

- Necə deyərlər, özümü bildiyim, tanıdığım gündən həkim olmaq istəmişəm və həmişə də bunun üçün çox çalışmışam. Çox şükür ki, bəhrəsini görüb arzuma çatmışam.

- Artıq neçə ildir ki, bu sahədəsiniz?

- Artıq beş ildən çoxdur ki, bu sahədə faliyyət göstərirəm.

- İş prinsipiniz nədən ibarətdir?

- Öz işimdə düzgünlük, səmimilik əsas prinsipimdir. Pasientlərimi səbrlə, təmkinlə dinləməyi, onlara xəstəliklərini izah etməyi , başa salmağı çox sevirəm.

- Pasientlər son zamanlarda sizə dah çox nə ilə bağlı müraciət edirlər?

- Daxili xəstəliklər üzrə mütəxəssis olduğum üçün çox fərqli problemlərlə yaxınlaşan pasientlər olur. Daha çox mədə-bağırsaq problemləri, tənəffüs xəstəlikləri, ürəklə bağlı şikayətlərlə müraciət edirlər.

- Öz sahəniz üzrə hansı işləri icra edirsiniz?

- Bronx-ağciyər patologiyalarının, ürək-damar xəstəliklərinin, mədə-bağırsaq traktı pozğunluqlarının (məsələn reflüks-ezofagit,qastrit, xora, xolesistit və s) , endokrin pozğunluqların,anemiyalar, müxtəlif ağrı sindromlarının ,həmçinin metabolik pozğunluqlar olan piylənmə, osteoporozun diaqnostikası, müalicəsi ilə məşğul oluram.

- Ailəlisninizmi?

- Bəli, ailəliyəm. Bir övladım var.

- Xarakter olaraq necə birisiniz?

- Xarakter olaraq məsuliyyətli, həmçinin sosial biriyəm, insanları ünsiyyət qurmağı sevirəm.

- Bir həkim olaraq nəyə "yox" deyirsiniz?

- İşinə qarşı məsuliyyətsizliyə “yox” deyirəm, daim inkişaf etmək lazımdır, mən hər şeyi bilirəm deyib, bir yerdə oturmaq olmaz, xüsusilə də bizim peşədə bu çox vacibdir. Hər zaman oxumaq, maraqlanmaq, araşdırmaq, yeniliklərə açıq olmaq lazımdır.

- Oxuculara nə məsləhət görürsünüz?

- Oxuculara məsləhətim, öz sağlamlıqlarını qorusunlar, laqeyd yanaşmasınlar, problemlərini ertələməsinlər, xəstəliyə vaxtında müdaxilə edilərsə, insan həm keyfiyyətli , həm də uzun ömür yaşayar.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Əslində hər şey ağlıma gəlirdi, zaman- zaman çətinliklərlə üzləşəcəyim, buna baxmayaraq işimi çox sevəcəyim … Mən həkimlik sənətinə hər tərəfini düşünərək addımlamışam , çünki özümü həkimlikdən başqa heç bir sahədə heç vaxt görməmişəm.

Əlaqə nömrəsi: (051) 779 99 45





скачать dle 10.6фильмы бесплатно