- Səidə xanım, necə oldu ki, həkim oldunuz?

- Valideynlərim məni həkim görmək istəyirdilər, həm də öz arzum olub. Ona görə də bu peşəni seçdim.

- Artıq neçə ildir ki, bu sahədəsiniz?

- Mən 2008-ci ildən bu sahədə fəaliyyət göstərirəm

- Niyə məhz pediatriyanı seçdiniz?

- Uşaqları çox sevirəm. Onlarla işləmək mənə xüsusi zövq verir.

- Son zamanlarda sizə daha çox hansı xəstəliklərlə bağlı müraciət edirlər?

- Son zamanlarda yayılmış epidemiya ilə bağlı ağırlaşmalar müşahidə edirik.

- Bu halların baş verməməmsi üçün valideynlər nə etməlidirlər?

- Valideynlər çox diqqətli olmalıdırlar. İnsanların çox toplaşdığı yerlərə uşaqları mümkün qədər az aparmalıdırlar. Daha çox açıq havada gəzdirməlidirlər

- Ağ xalatsız necə birisiniz?

- Çox pozetiv bir insanam.

- Bu sənət sizə nə verdi, sizdən nə aldı?

- Məndən heç nə almadı. Sənətimlə fəxr edirəm .

- Ailəlisinizmi?

- Bir qızım var.

- Bu işlə ailə həyatı alınırmı?

- Müəyyən çətinliklər olsa da, alındırmağa çalışırıq. İndi qızım böyüyüb, çox rahatam.

- Hansı yaş qrupundan olan uşaqlara daha çox diqqət olunmalıdır?

- Əslində on səkkiz yaşına çatmayanlar uşaq hesab edildiyinə görə, həmin yaşa çatmayanlara diqqət olunmalıdır. Amma daha çox körpə uşaqlara nəzarət olunmalıdır.

- Mən həkim andı içərkən ağlıma gəlməzdi ki,... Bu fikri özünüz tamamlayın, zəhmət olmasa.

- Ətrafımda həkimlər çox olduğu üçün mən bu sahəyə gələrkən artıq məlumatlı idim. Ona görə də gözləmədiyim bir şey olmadı.

Əlaqə üçün: (055)2810144




скачать dle 10.6фильмы бесплатно