- Sadiq müəllim, bir az özünüz barədə məlumat verin, zəhmət olmasa.

- Mən Sadiq Həmzəyev Mahmud oğlu 1963-cü ildə Qərbi Azərbaycanın Göyçə mahalında dünyaya gəlmişəm. Orta məktəbi bitirdikdən sonra 1985-ci ildə birinci cərrahiyyə proflaktika fakültəsinə daxil olmuşam. 1991-ci ildə oranı Lenin adına təqaüdlə bitirmişəm. 1991-1993-cü illərdə kliniki ordinatur, 1993-1996-cı illərdə aspiranturanı bitirmişəm. Tibb elmləri namizədiyəm. Hal-hazırda doktorluq dissertasiyasını tamamlamışam. Üçüncü cərrahi xəstəliklər kafedrasında, Tibb Universitetində dosent vəzifəsində çalışıram.

- Necə oldu ki, deputatlığa namizədliyinizi irəli sürmək qərarına gəldiniz?

- Milli Məclisə deputatlığa namizədliyimi irəli sürməkdə bir neçə şərtlər oldu. Birinci şərt Prezidentimizin Parlamentin buraxılması ilə azad seçkinin keçirilməsi haqqında verdiyi qərar və bizim də dövlətimizin son zamanlarda apardığı islahatlara dəstək vermək istəyimiz oldu. İkincisi isə köhnə millət vəkillərinin fəalliyyətsizliyi məni çox narahat edirdi. Hər dəfə onların çıxışlarına baxanda təəssüf hissi keçirdirdim.

- Platformanız nədən ibarətdir?

- Platforma geniş bir məfhumdur. Platformamızda bir çox sahələri əhatə edən müxtəlif məsələlər var. Təhsildə və səhiyyədə olan boşluqları doldurmaq, çatışmazlıqları aradan qaldırmaq. Dinimizin və mənəvi dəyərlərimizin getdikcə dəyərsizləşməsi. Ölkədəki monopoliyanın biznesin inkişafına mane olması, məvaciblərin artırılması, təqaüdçülərin sosial vəziyyətinin yaxşılaşdırılması, uşaq pulunun və sosial müavinətlərin verilməsi, torpaqlarımızın işğal altında qalmasına beynəlxalq təşkilatların biganə qalması və s. məsələlər bizim platformamıza daxildir.

- İndiyə qədər keçirdiyiniz görüşlərdə seçicilər daha çox hansı problemlərdən danışıblar?

- Keçirdiyim görüşlərdə əhalini daha cox sosial problemlər və Dağlıq Qarabağ müqaşisə maraqlandırırdı.

- Millət vəkili seçildiyiniz təqdirdə görəcəyiniz ilk iş hansı olacaq?

- Dəyərli seçicilərimiz məni seçsələr, ölkəmizin sosial, iqarisadi, siyasi vəziyyətdən çıxmaq üçün çıxış yollarını ortaya qoyacağam. İlk növbədə, kimliyindən asılı olmayaraq hamı bir olmalıdır. Mənim birinci məqsədim xalqın birliyinə nail olmaqdır. Biz bir olsaq, qarşıda duran bütün məsələləri asanlıqla həll edə biləcəyik və bu milli birlik ölkəmizi dünya miqyasında daha da güclü bir dövlətə çevirəcəkdir. Siyasət biclik yox, düzlükdür. Ağa ağ, qaraya qara demək lazımdır. Mən bəzi məsələləri və ideyaları tam şəkildə açmaq istəmirəm. Amma biz ilk növbədə milli birlik yaratmalıyıq. Bu, söz deyil, İlahi bir mesajdır.