Bir qrup səhmdar tərəfindən Hurriyyet.az saytının redaksiyasına şikayət daxil olub. Şikayətçilər iddia edir ki, “Alatava-2 Avtonəqliyyat” Səhmdar Cəmiyyətinin mülkiyyətində olan “Daş bazarı” adlı yerdə keçirilən iclasda onlara proseslə bağlı düzgün məlumat verilməyib.

Onların sözlərinə görə, il ərzində 16 min manat gəlir əldə olunduğu deyilsə də, ortada heç nə yoxdur. Hər il verilən hesabatların saxtalaşdırıldığını dilə gətirirlər. Bir sözlə, belə vəziyyət daim təkrarlanır.

Qeyd edək ki, sözügedən daş bazarına rəsmi olaraq Afaq Yavər qızı Məmmədova rəhbərlik edir. Qeyri-rəsmi sahibləri Fərəməz Məmmədov və Qalib Məmmədov qardaşlarıdır. Onların dövlətin 27 milyard manat vəsaitini talan etməsi haqda çoxsaylı faktlar aşkar olunub. Lakin hələ də qardaşlar barəsində bir əncam çəkilmir.

Şikayətçilərdən biri Qəmbərova Kəmalədir. O deyir, hərracda cəmi 9 çek qoyub və 1 çekə 1 səhm düşür:

“Bildirm ki, “Alatava-2 Avtonəqliyyat” 100 faiz özəlləşmişdi. Sonra 10 faizini ayırma yolu ilə çıxartdılar, 90 faizini özlərində saxladılar. Çünki qanuna zidd özəlləşmə gedib. Qanun elə hərracdan pozulub. Çünki özəlləşmə zamanı qayda belə idi: 15 faiz güzəştli əmək kollektivinə verilməli idi, 55 faiz açıq müzayidə olmalı idi, 30 faizi isə, pullu hərracda satılmalı idi. Amma bunu onlar əllərinə keçirdir, cinayəti o zaman törədirlər. 55 faiz hərraca çıxanda bizə uzaqbaşı 2 faizini göstəriblər, o zaman da 1 çekdən artıq qoya bilməzdin, qoyurdunsa, dalaşa-dalaşa olurdu.

Ayrılan 10 faiz böyüdü, oldu 100 faiz. Onun da 60 faizinə sahibləndilər. Səhmin çox faizini özlərinin adları ilə bura ötürüblər ki, burada da bizə şərik olsunlar, burada da bizim çörəyimizi kəssinlər. Bayaq bəhs etdiyim 90 faizi tamam ayrı “yeyirlər”. Majoritar səhm paket sahibi 90 faizi qeyri-qanuni şəkildə Xəlil adlı vəkilin vasitəsilə saxtalaşdıraraq ələ keçirdib, neçə yüz kvadrat ərazidir, hər bir nöqtəsindən pul götürürlər. Minoritarlara çatası dividenti göstərmirlər”.

Şikayətçi izah edir ki, paylarına düşən ərazinin hara oluduğunu da bilmirlər:

“Alatava-2 Avtonəqliyyat” Açıq Səhmdar Cəmiyyətinin (ASC) emissiya prospektində ərazisi 4 hektar göstərilir. 2022-ci ildə bunlar ayrılma məsələsini qoydular. Həmin bölünmədən sonra majoritar səhm paket sahibi öz payını götürüb çıxır, yerdə haradasa 30-40 nəfər minoritar səhmdar qalır. Minoritarlara nə düşüb? Deyir, sizə 500 kvadrat vermişik. Paket sahibinin nümyəndəsi Müslüm, İdarə Heyətinin sədri Arzuman, 2 faizə qədər səhmi təmsil edən həm buranın hüquqşünası, həm də özünü burada səhmdar kimi təqdim edən Xəlil heç nə göstərmirlər. Əslində, Xəlil səhmdar deyil, buraya saxta protokol tərtib etmək üçün gəlir.

Hansı ərazi olduğunu soruşanda əli ilə göstərir ki, de, ora. Yəni bizə dəqiq ünvan göstərmirlər. Vergi bəyannaməsini və nizamnamə kapiatlını tələb edirəm, heç bir sənəd təqdim etmir. Hər il yalançı hesabatlar göstərirlər. Bu yalançı əməllərinə elə özləri, Müslümlə vəkil Xəlil gülürdü. 2023-cü ilin hesabatı qanunsuzdur. Amma onlarda səs çoxdur, adlarına çoxlu faiz yazdırıblar, birində 2 faiz, birinin adında 10 faiz. Yəni 60 faizi qamarlayıblar, ona görə, bizim sözümüz keçmir.

Deyirlər ki, 16 min gəlir əldə olunub, haradan gəldiyi bizə göstərilmir. 500 kvadrata böləndə 1 kvadrata 32 manat pul düşür. Axı bazar qiyməti buranın 32 manat deyil. Bizə xalis mənfəəti göstərilməsini istəyirik, hökümətə sırıdığı yalançı göstəriciləri təqdim edirlər”.

Kəmalə Qəmbərova Səhmdar Cəmiyyətdə hüquqların şəxsə görə deyil, qoyulan sərmayəyə görə müəyyən edilməsini düzgün saymır:

“Orada sadə səsçoxluğu gedirdi, amma bunun əvəzinə səhm çoxluğu ilə apardılar, hüquqlarımızı tapdaladılar. Əgər cəmiyyət ləğv olunursa və yaxud bölünürsə, iclasda iştirak edən səhmdarların sadə səs çoxluğu “bir səhm – bir səs” yox, “bir səhmdar – bir səs” olmalıdır.

Şikayətçi Rəcəbov Vəzir İldırım oğlu “Alatava-2 Avtonəqliyyat” Səhmdar Cəmiyyətində 3 nəfər ailə üzvü ilə birlikdə nizamnamə kapitalında iştirak payı vasitəsilə 14 faiz səhmi olduğunu vurğulayır:

“Bildirirəm ki, bu günə qədər burada anormal proseslər gedib. Burada oğurluq, korrupsiya və qeyri-qanuni proseslər davam edir. Bu cəmiyyəti bölüblər. Əsas səhm paketi əsas paket sahibinin üstünlük hüququndan istifadə edərək özünə məxsus olan böyük hissəni götürüb, Müslüm adlı yaxın qohumuna kiçik bir faiz verib. Bu gün həmin Müslüm bölünmə cəmiyyətində paketi təmsil edir.

9 min 8 yüz səhm yaratmaqla bölünmə aparıblar. Təxminən 4 hektar ərazidən bizə, deyilənə görə, 500 kvadrat veriblər, yeri də bilinmir, göstərmirlər. Təzə reyestrdə haradasa, 80-90 nəfər adam var. Onlara aid 500 kvadratdan 3 ildə heç bir şey çıxartmırlar, divident vermirlər, zərərə işlədirlər. Bizim il ərzində 16 min manat kirayədən pul mədaxil olub. Onun da 15 minini məxaric ediblər, yerdə də min manat qalıb, onunla da keçmiş borcları siliblər. Ümumiyyətə, burada heç nə qalmayıb. Bu il belə oldu, keçən il də belə oldu, həmişə də belə olacaq”.

Vətəndaş qeyd edir ki, bir qrup şəxs vasitəsilə sözügedən cəmiyyət toxunulmaz olub, bütün maxinasiyaları gizlədilib:

“Bu işin arxasında korrupsiyanın əsas mənbəyi olan Vergilər Nazirliyi durur, Mərkəzi Bank da havadarlıq edir. Mafioz qruplaşmalar bu sistemi yaradıblar, biz də kiçik səhmdarlar burada vuruşuruq. Qabaqlar heç olmasa, qeyri-qanuni pul paylalmaları vardı. Yəni divident vermirdilər, hərəsinə 50 manat, 100 manat “tula payı” atırdılar. Bunlar da 5 səhmlə, 10 səhmlə təmsil olunan adamlardır da, buna qane olub çıxıb gedirdilər. Belə vəziyyət bölünməyə qədər davam edirdi. Sonra baxdılar ki, səhmdarlara müəyyən qədər pul verirlər, 50-50 verəndə 100-ə yaxın adam vardı, indi biraz azalıb, verəndə 6 minə yaxın pulları gedirdi. İndi heç nə verilmir. Qum, kubik, sement, nə desən, satılır. O tərəfdə bir dənə maşın təmiri emalatxanası var. Yəni burada bir dənə boş yer yoxdur. Bütün sahə “arenda”dadır. Buna baxmayraq, ortada gəlir yoxdur. Bəlkə də il ərzində 1 milyonluq dövriyyə var, ortada heç nə yoxdur”.скачать dle 10.6фильмы бесплатно