Azərbaycan və Andorra qış turizminin inkişafı üzrə müəssisələrarası Anlaşma Memorandumunun imzalanmasına dair tədbirləri müzakirə edib.

Azərbaycan Dövlət Turizm Agentliyinin məlumatına görə, bu məsələ təşkilatın sədri Fuad Nağıyevin İspaniya və Andorraya işgüzar səfəri çərçivəsində müzakirə olunacaq.

Fuad Nağıyev səfər zamanı "FITUR" sərgisində iştirak edib. Sərgi zamanı agentliyin nümayəndəsinin Azərbaycanın İspaniya və Andorradakı səfiri Ramiz Həsənovun da iştirakı ilə Andorranın Turizm və Telekommunikasiyalar Naziri Jordi Torres Falko ilə görüşü keçirilib.

Bundan başqa, işgüzar səfər çərçivəsində Azərbaycanla İspaniya, Andorra və Bolqarıstan arasında turizm əlaqələrinin inkişaf perspektivləri müzakirə olunub.


Görüş zamanı ölkədə qış turizminin inkişafına dair məsələlər və Andorranın bu sahədəki təcrübəsi müzakirə edilib.

Eyni zamanda, Azərbaycanın Qış İdman Növləri federasiyasının idmançılarının Andorrada məşqlərə başladıqları və Dünya kubokunda iştirak edəcəkləri vurğulandı.

Xatırladaq ki, 2022-ci ilin dekabrında Azərbaycana 143 814 əcnəbi səfər edib ki, bu da ötən ilin analoji dövründəki göstəricidən (97 748) 47,13 % yuxarıdır.

Agentliyin məlumatına görə, 2022-ci ilin yanvar-dekabr aylarında Azərbaycana 1 602 600 xarici vətəndaş səfər edib ki, bu da ötən ilin analoji dövründəki göstəricidən (790 062) iki dəfə yüksəkdir.

2022-ci ilin dekabr ayında Azərbaycana səfər etmiş əcnəbilərin sayına görə ilk onluğa Rusiya (42,7 min nəfər), Türkiyə (28,4 min nəfər), İran (12,6 min nəfər) Gürcüstan (9,6 min nəfər), BƏƏ (9,2 min nəfər), Hindistan (7,6 min nəfər), Pakistan (4,4 min nəfər), Özbəkistan (2,8 min nəfər), Səudiyyə Ərəbistanı (2,6 min nəfər) və Qazaxıstan (2,4 min nəfər) daxil olub.скачать dle 10.6фильмы бесплатно