Bakı şəhəri, Xətai rayon sakini Məhərrəmov Ceyhun Bəhram oğlu tərəfindən “Hürriyyət” qazetinin redaskiyasına şikayət məktubu daxil olub. Şikayətçi bildirir ki, ötən il mayın 3-də, axşam saatlarında yaşadığı evin girişində bir qrup şəxsin hücumuna məruz qalıb.

Belə ki, paytaxtın Xətai rayon ərazisində bir qrup şəxs Zaur Abdullayevin başçılığı altında xuliqanlıq niyyəti ilə Ceyhun Məhərrəmovu döyüblər. Onlar ilk öncə həyətdəki təhlükəsizlik kameralarını sıradan çıxarıblar. Sonra isə Ceyhun Məhərrəmovun evə gəlməsini gözləyərək, çirkin niyyətlərini həyata keçiriblər. Bu hadisə ilə bağlı DİN-in 102 “qaynar xətt”inə məlumat verilib.

Kamera görüntülərindən də aydın olur ki, Ceyhun Məhərrəmova hücum edən şəxslər bir deyil, bir neçə nəfər olub. Onların hər biri C.Məhərrəmovu yerə yıxaraq təpikləyiblər. Bu hadisə ilə bağli Xətai rayon prokuroru Sərdar İmanov tərəfindən Zaur Abdullayev, Faiq Abdullayev və digərləri barəsində xuliqanlıq maddəsi ilə cinayət işi başlanmışdır. Hadisə şahidlərinin verdiyi ifadələrdən və kamera görüntülərindən hadisənin xuliqanlıq maddəsi olduğu aşkar formada ortadadır. Belə ki, bütün dəlil və sübutlar toplandıqdan sonra iş Xətai Məhkəməsinə göndərilir.

Xətai rayon Məhkəməsində Fuad Axundovun sədrliyi ilə keçirilən bir necə məhkəmə prosesindən sonra 221-ci maddə ilə (xuliqanlıq bir qrup şəxs tərəfindən törədilməklə və yüngül xəsarət yetirməklə) başlanmış cinayət işi, yetərli sayda dəlil sübut olmağına baxmayaraq, Fuad Axundov tərəfindən 128-ci maddəyə tövsib edilib(“yüngül xəsarət”).

Zərərçəkmişin vəkilləri hakimin qərarından sonra Apellyasiya məhkəməsinə şikayət veriblər. Maraqlısı budur ki, prokrorluqda xuliqanlıq maddəsi ilə başlayan cinayət işinə hakim tərəfindən maddənin dəyişdirilməsinə baxmayaraq, dövlət ittihamçısı hakimin qərarından protest vermir.

Vətəndaş Ceyhun Məhərrəmovu bizdən xahiş edir ki, gec də olsa, bu məsələni ictimailləşdirək və adiyyəti orqanlara bu cinayət işində baş vermiş nöqsanları çatdıraq.

Deməli, C.Məhərrəmovu döyən digər şəxslər hansısa yollarla istintaqla “anlaşmağı” bacarıblar.

Xuliqanlıq maddəsi ilə başlanılan məhkəmə prosesi Hakim Fuad Axundov tərəfindən CM-in 221-ci maddəsindən 128-ci maddəsinə tövsib verir. Bəs, belə bir dəyişiklik etmək qanuna uyğundurmu? Hakim “xuliqanlıq maddəsi”ni niyə dəyişib, görəsən? Video görüntülərdən açıq-aşkar görünür ki, döyülən şəxsə necə təzyiqlər göstərilirsə, qonşuluqda yaşayanlar belə gəlib tamaşa edirlər. İctimai sakitliyi pozublar, şəxsi təhqir və söyüşlərə məruz qoyublar. Zərərçəkən şəxs sarsıntıda olduğunu və hələ də nələrdənsə ehtiyat etdiyini bildirir.

Hakim maddəni dəyişir, az qala döyülən şəxsi günahkar görür. Hakimlə bu mafiya arasında hansı anlaşma olub, görəsən?

“Xuliqanlıq maddəsi” nədir? Bu maddə hansı hallarda dəyişdirilə və yaxud da icra oluna bilər?

Bəs, Ceyhun Məhərrəmovun işinə qoyulan maddədə nə deyilir?

Maddə 128: Qəsdən sağlamlığa yüngül zərər vurma.

Sağlamlığın qısa müddətə pozulmasına və ya ümumi əmək qabiliyyətinin cüzi itirilməsinə səbəb olmuş qəsdən sağlamlığa yüngül zərər vurma – (125).

üç yüz manatadək miqdarda cərimə və ya bir ilədək müddətə islah işləri və ya bir ilədək müddətə azadlıqdan məhrumetmə ilə cəzalandırılır(126).

Şəkil və videolara baxdıqda isə açıq aydın bəlli olur ki, maddə qəsdən dəyişdirilib.

Bir neçə ekspert və vəkildən bu məsələ haqqında müsahibə almaq istədikdə isə adlarının çəkilməməsini və mövzuda qarışıq vəziyyətin olduğunu qeyd etdilər. Vəkillərdən biri isə “yəqin hakim bu videoya baxmayıb. Çünki videolardakı görüntü 128-ci maddəyə aid edilə bilməz”, - dedi.

Jalə FAMİLQIZI

Redaksiyadan: Bu, bir iddiadır. İddianın nə qədər doğru və yalnış olduğunu biz deyə bilmərik. Odur ki, yazıda adları çəkilən şəxslərin mövqeyni dərc etməyə hazırıq.
скачать dle 10.6фильмы бесплатно