- Zəhmət olmasa, özünüzü təqdim edərdiniz...

- Mən, Valeh (Budad) Əliyev Abduləziz oğlu 15 may 1987-ci ildə Azərbaycan Respublikası Xaçmaz rayonu Yeni Sudur kəndində, sadə fəhlə ailəsində anadan olmuşam. İbtidai və orta təhsilimi yaşadığım kəndə yaxın kənd məktəblərində almışam. Orta ixtisas təhsilliyəm. Ailəliyəm. Bir qız övladım var.

- Sosial şəbəkələrdə sizə aid şeirlərə rast gəldik. Necə oldu ki, sizdə şeir yazmağa həvəs yarandı?

- Mən orta məktəbi bütün fənlərdən əla və yaxşı qiymətlərlə bitirmişəm. Şagird olsam da, həmişə məntiqlə düşünürdüm. Ədəbiyyatdan şairlərimizin həyat və yaradıcılığı mənim üçün çox maraq kəsb edirdi. Elə bu və digər hallar məndə şeir yazmağa zəmin yaratdı.

- Artıq neçə ildir ki, yazıb-yaradırsız?

- Şeir yazmağa hələ orta məktəbi oxuyanda başlamışam. Düzdür, o vaxtlar daha qısa bəndlik şeirlər yazırdım. Çox təəssüflər olsun ki, həmin şeirlərim qeyri-müəyyən səbəblərdən indi əlində qalmayıb. Dəqiq müddəti deyə bilmərəm, amma bilirəm ki, bu həvəs məktəb illərindən formalaşıb.

- Şeirləriniz daha çox hansı mövzuları əhatə edir?

-Vətən , ana , sevgi , məhəbbət, ayrılıq və digər seçkilərdə öz hisslərimi hecalara köçürürəm. Çox yazarlar kimi , mən də əsərlərimi daxili harmoniyama uyğun qələmə alıram.

- Sizcə, yaxşı şair olmaq üçün nə etmək lazımdır?

- Çox gözəl sualdır. Mənim fikrimcə, yaxşı şair olmaq üçün ilk öncə yaxşı insan olmaq gərəkdir. İnsan daxili aləmini səmimi şəkildə oxucuya çatdıra bilirsə , onda onun qəlbinə yol tapır. Ən önəmlisi səmimiyyət deyərdim. Bu mənim subyektiv fikrimdir.

- Poeziyanın indiki durumu sizi qane edirmi?

- Mən elə bilirəm ki, bu suala bir mütəxəssis kimi cavab verə bilmərəm. Çünki, bu sənətə illərini , ömrünü hesr etmiş tanınmış şəxsiyyətlərimiz var. Onlar bu sualın cavablandırılması hüququna malikdirlər. Mən sadəcə bir vətəndaş kimi deyə bilərəm ki, dövr inkişaf etdiyi kimi , bu sahədə də inkişaf var.

- Bir şair olaraq nəyin əleyhinəsiz?

- Öncə də qeyd etdiyim kimi, bu gün özümü şair adlandıra bilmirəm. Çünki, bu sənətə illərini həsr etmiş insanlara qarşı haqsızlıq olar. Mən sadəcə daxili harmoniyamı qələmə alan gənc yazaram. Bunu nəzərə alaraq , bu suala cavab kimi cəmiyyət üçün negativ təbliğ olunacaq nə varsa, ona qarşıyam. Bizim saf ədəbi dilimiz və ədəbiyyatımız var. Onu qoruyub, inkişaf etdirmək məsuliyyətini daima dərk etməliyik.

- Bu sahədə görmək istədiyiniz,amma görə bilmədiyiniz nədir?

- Hər sahədə olduğu kimi ədəbiyyat sahəsində də , çox təəssüflər ki, bəzi negativ hallara rast gəlirik. İndiki gəncliyimizi kitab mütaliə edən , məntiqli düşünən, ixtira üçün çalışan görmək istəyirəm. Çox gözəl ki, bugün belə bir cəmiyyət artıq var və inkişafa doğru gedir. Bu həqiqətən sevindirici haldır.

- Oxuculara şeirləriniz təqdim edərdiniz:

- Mənim bir neçə şeirlərim “Kəpəz” FM radiosunda səsləndirilib və həmin şeirlərlə oxucularımız mənim sosial şəbəkə hesablarından tanış ola bilərlər. Həmin şeirlərimdən “Ana”, ”Bir zəng gözlədim”, ”Məni sənsizliyə öyrəşdirirsən”, “Gedən keçmişim “ və digərlərin adını qeyd edə bilərəm.

- Bizim müsahibəmiz üçün bir şeirinizi təqdim edərdiniz zəhmət olmasa:

- Böyük məmuniyyətlə , bugün sizə “Bir zəng gözlədim ” adlı şeirimi təqdim edirəm:

- Mən bu sahəyə gələndə ağlımada gəlməzdi ki,.. Ardını siz davam edin zəhmət olmasa:

- Bu maraqlı sorğu oldu. Mən bu sahəyə gələndə ədəbiyyatın insan ruhunu saflaşdırdığını anlamırdım. İndi başa düşürəm ki, söz sənəti insanı kamilləsdirir, cəmiyyətə sağlam düşüncə istehsal olunmasında əvəzsiz rolu var.

- Son olaraq oxuculara nə demək istərdiniz?

- Həmişə ruhlarını sağlam saxlasınlar. İnsanlığa fayda olacaq nə varsa , ona yaxın olsunlar. Müasir sürətli inkişaf söz sənətini geridə qoymamalıdır.скачать dle 10.6фильмы бесплатно