- Pouran xanım, necə oldu ki, bu sahəyə gəldiniz?

- Mənim 17-18 yaşım olanda qərara gəldim ki, insanlara kömək edəcəyəm. Buna görə də, bu peşəni seçdim. 2012-ci ildə Tehranda Tibb Universitetinə daxil oldum. 2016-cı ildə bakalavrı, 2019-cu ildə isə magistrı bitirdim. 2018-ci ildə mənə Azərbaycandan iş təklifi gəldi. Artıq dörd ildir ki, burada işləyirəm.

- Artıq neçə ildir ki, bu sahədəsiniz?

- Altı ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Daha çox kəkələmə, nitq ləngiməsi, tələffüz və udma problemləri ilə məşğul oluruq. Onu da deyim ki, udma problemi üzrə Azərbaycanda çox az sayda mütəxəssis var.

- İş prinsipiniz nədən ibarətdir?

- Biz öz metdolarımızı tətbiq etməklə yanaşı, pasinetlərin də istəklərini nəzərə alırıq. Əsas iş prinsipimiz bundan ibarətdir.

- Hansı yaş qrupuna aid insanlarla çalışırısınız?

- Yaş məhdudiyyəti yoxdur. Bütün yaş qrupuna aid insanlarla çalışıram.

- Xarakter olaraq necə birisiniz?

- Mürəkkəb biriyəm (gülür). Amma ünsiyyətciləm. Çünki işim bunu tələb edir.

- Bir loqoped olaraq nəyə “yox” deyirsiniz?

- Pasientə yalnış məlumat verməyə, ondan nəyisə gizlətməyə “yox” deyirəm.

- Valideynlərə nə məsləhət görürsünüz?

- Məsləhət görürəm ki, uşaqları ilə çox vaxt keçirtsinlər. Onların nitqinin inkişafına fikir versinlər. Çünki nitq inkişafı çox mürəkkəb bir şeydir. Daha çox ünsiyyət və eşitmə ilə təkmilləşir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu qədər çətin olar.

Əlaqə nömrəsi: (050) 667 71 97


скачать dle 10.6фильмы бесплатно