- Xanım xanım, necə oldu ki, həkim oldunuz?

- Doğrusu, həkimlik sənətini çox sevsem də, məqsədim, arzum başqa sahə idi. Valideynlərimin arzusu olduğu üçün bu sahəni seçdim.Təbii ki, heç peşiman deyiləm.Allahın izniylə insanlara şəfa vermək mükəmməl duyğudur.

- Artıq neçə ildir ki, bu sahədəsiniz?

- Artıq 10 ilə yaxındır ki, bu sahədəyəm.

- İş prinsipiniz nədən ibarətdir?

- Bütün yaş qruplarının terapiyası ilə məşğulam.İşimin əsası insanların mental sağlamlığının qayğısına qalmaq, psixoloji durumlarının və xəstəliklərinin müalicəsiylə məşğul olmaqdır.

- Öz sahəniz üzrə hansı işləri icra edirsiniz?

- Depressiya, nevroz, panik atak, davranış və şəxsiyyət pozuntuları, təşviş, qidalanma pozuntuları, fobiyalar ve s. kimi problem və xəstəliklərin müalicəsiylə məşğulam. Bundan əlavə, sahəmlə əlaqəli təlimlər icra edirəm.

- Pasientlər son zamanlarda sizə daha çox nə ilə bağlı müraciət edirlər?

- Bir az öncə sadaladığım problemlərlə bağlı müraciətlər olur. Lakin, son zamanlar pandemiyanin ağır nəticəsi ilə əlaqəli daha çox müraciətlər olur. Obsessiyalar, panik atak, təşviş, həyəcan pozuntuları və digərləri.

- Xarakter olaraq necə birisiniz?

- Bunu özümün təsvir etməyim doğru olmaz. Lakin, qısa olaraq obyektiv, empati hissi yüksək, insanları sevən biri olduğumu düşünürəm.

- Ailəlisinizmi?

- Bəli. İki övladım var. Onlar fiziki və zehni yorğunluğumun bərpa ediciləridirlər.

- Bir həkim olaraq nəyə "yox" deyirsiniz?

- İnsanların fiziki və psixoloji sağlamlığına zərər vurulmasına "yox" deyirəm.

- Oxuculara nə məsləhət görürsünüz?

- Oxucularımıza ruh sağlıqlarını qorumağı tövsiyyə edirəm. Çünki beyin bizi idarə edir. Beynimiz və psixikamız sağlam olarsa, daha hüzurlu, daha xoşbəxt və özgüvənli, güclü olarıq. Və hər şeydən öncə özlərini sevməyi, özlərinə dəyər verməyi məsləhət görürəm.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, həm bu qədər ağır, amma bir o qədər də dəyərli bir sahə olacaq.

Əlaqə nömrəsi: (099) 333 34 04скачать dle 10.6фильмы бесплатно