-  Gülər xanım, necə oldu ki, bu sahəyə gəldiniz?

- Uşaqlığımdan etibarən, hətta məktəb illərində insanların baş verən hadisələrə yanaşma tərzi, nəyə necə reaksiya vermələri, hətta xarakterlərinə uyğun olaraq necə davranmaqları həmişə mənim maraq dairəmdə idi. İnsanları kənardan müşahidə etməyi, onlar arasındakı fərqli xüsusiyyətləri ayırd etməyi çox sevirdim. Məktəbdə oxuduğum illərdə adətən uşaqlar problemləri olduğu zaman mənimlə bölüşər və çox yaxşı dinləyici olduğumu düşünərdülər. Artıq ixtisas seçimi zamanı psixologiya sahəsi diqqətimi çəkdi və araşdırdığım zaman mənim düşüncə tərzimə, xarakterimə, insanlara yanaşma tərzimə uyğun olduğunu gördüm və qərara aldım ki, seçimimi məhz bu istiqamətdə etməliyəm. Psixoterapiya vasitəsilə də insanların psixoloji narahatlıqlarını aradan qaldırmaq, onlara alternativ yollar göstərmək,görə bilmədikləri tərəflərini üzə çıxarmaq, insanlarda istər xarakterləri ilə bağlı, istərsə də içərisində olduğu durumla bağlı fərqindəlik yaratmaq da mənim üçün hər zaman prioritet məqamlardan olmuşdur.

- Artıq neçə ildir ki, bu sahədəsiniz?

- Artıq 8 ildir ki,bu sahədə fəaliyyət göstərirəm.

-  İş prinsipiniz nədən ibarətdir?

- Psixoterapevt olaraq əsas iş prinsipim Amerika Psixoloqları Assosasiyası tərəfindən qeyd olunan psixologiyanın etik kodeksinə uyğun olaraq, hər kəsə hörmətlə və empatiya ilə yanaşmaqdır. Digər tərəfdən isə insanlara situasiyalara fərqli yanaşmağı öyrətmək,onların özləri ilə bağlı görmədikləri tərəfləri göstərmək, onları başa düşmək, lazım olduğu anda dinləmək və doğru empatiya qurmaqdan ibarətdir.

- İnsanlar sizə daha çox nə ilə bağlı müraciət edirlər?

- Son dönəm bütün dünyada yayılmış olan pandemiya insanların psixoloji durumuna da öz neqativ təsirini göstərmişdir. Bununla bağlı olaraq insanlarda təşviş,panik atak, müxtəlif növ obsessiyalar, depressiya,eyni zamanda da postmüharibə dövründən sonra bir çox insanlarda müşahidə olunan post travmatik stress pozuntusu artdığı üçün bu problemlərlə mraciət edən pasiyentlərin sayı artmışdır.

-  Xarakter olaraq necə birisiniz?

- Xarakter olaraq anlayışlı, empatiya qurmağı bacaran, mehriban, qayğıkeş, mərhəmətli, yeniliklərə açıq biriyəm.

-  Həkim olaraq nəyə “yox” deyirsiniz?

- İlk olaraq işinə qeyri-peşəkar yanaşan psixoloqlara, erkən nigahlara, uşaqların təhsildən uzaqlaşdırılmasına, insanların bir-birilərinə qeyri-etik formada yanaşma tərzinə, istər fiziki, istərsə də psixoloji şiddətə "yox" deyirəm.

-  Oxuculara nə məsləhət görürüsünüz?

- Psixoloqa müraciət etdiyiniz zaman mütləq onun aldığı təhsil, ixtisaslaşma sahəsi, təcrübə dairəsi eyni zamanda hansı psixoterapiyadan istifadə etməsi haqqında ayrı-ayrı araşdırılmalıdır. Çünki bunlar pasiyentdə güvənin formalaşmasında, terapevtik münasibəti daha doğru istiqamətləndirməkdə kömək edən addımlardan biridir. Eyni zamanda qeyri-peşəkar psixoloji yanaşmanın da qarşısını alan əsas amillərdən biridir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu sahəyə çox böyük həvəs və maraqla gəlmişəm. Məhz buna görə də daim öz üzərimdə işləməyə, yeni nəaliyyətlər qazanmağa davam edirəm.Bu işi seçərkənsə, ağlıma gəlməzdi ki, işimdən bu qədər zövq alaraq çalışaram.Çünki insanların ağır problemlərlə hətta ümidsiz formada müraciəti, terapiya sonunda isə yaxşı nəticə alaraq ayrılması, müxtəlif həyat hekayələri ilə tanış olmaq, bu həyat hekayələrində müəyən bir rola sahib olmaq, bir çox hallarda bu hekayənin dəyişməsinə kömək olmaq, kimisinin sevincini paylaşmaq, kimisinin kədərinə ortaq olmaq, insanların ən məhrəm düşüncə və yaşantılarını mənimlə bölüşməsi, bir mütəxəssis olaraq mənim üçün günümün bu qədər dolu-dolu keçməsi, yeri gələndə öyrədici, yeri gələndə isə öyrəndiyim məqamların olması, qısacası psixologiya sahəsinin bu qədər rəngarəng,hərəkətli olması heç ağlıma da gəlməzdi.

Əlaqə nömrəsi: (051) 500 18 28

скачать dle 10.6фильмы бесплатно