- Kəmalə xanım, necə oldu ki, bu sahəyə gəldiniz?

- Mən 9- cu sinifdə qərar vermişdim ki, jurnalist olum. 10- cu sinifi bitirənə yaxın anam həkim olmağımı çox təkid etdi. Əlbəttə ki, bu təkidlərin qarşısında mən başqa seçim edə bilməzdim. Amma demişdim ki, həkim olacağamsa, əlbəttə ki, mütləq cərrah olmalıyam. Beləliklə, insituta daxil oldum. Gözəl tələbəlik illəri başladı və oranı bitirdikdən sonra Musa Nağıyev adına t.t.y.xəstəxanası, 1 ci cərrahi kafedrasında cərrah kimi interna keçdim. Sonra 2002-ci ildən bir müddət xaricdə yaşayası oldum. 3 ildən sonra vətənə döndüyümdə artıq sənətimin ardınca getməyin vaxtı çatdığını hiss etdim. 2006-cı ildə Bakı dəmir yol xəstəxanasında cərrah kimi fəaliyyətə başladım. 2011-ci ildən Poliklinikanın cərrahiyyə şöbəsinin (kifayyət qədər böyük şöbə idi, bir sıra profilləri özündə birləşdirirdi )müdiri işlədim. İşlədiyim illər ərzində bir çox yerli təkmilləşmə kurslarında o cümlədən sertifikasiya imtahanında və Türkiyənin qabaqcıl klinika və xəstəxanalarında iş təcrübəsi keçdim. 2020- ci ildən "Vimay" klinikasının baş həkimi vəzifəsinə təklif aldım və bir il yarım oranının baş həkimi və cərrahı kimi çalışdım. Hal-hazırda bir sıra özəl klinikalarda cərrahlıq fəaliyyəti ilə məşğul oluram.

-Artıq neçə ildir ki bu sahədəsiniz?

-İllər tez ötür. Bu il artlq 20 il olacaq.

-Öz sahəniz üzrə hansı əməliyyatları icra edirsiniz?

-Böyük cərrahi əməliyyatlardan başlamış ambullator əməliyyatlaracan.hamısını icra edirəm və indi dəbdə olan abdominoplastika, labioplastika, vaginoplastika,bleforoplastika əməliyyatlarını da əlavə etmişəm. Bunlarla yanaşı proktoloji və fleboloji əməliyyatları da əlavə etmək olar. Çünki tam qadın proktoloji və fleboloji xəstəlikləri üzrə ixtisaslaşmışam.

- Xarakter olaraq necə birisiniz?

- Çox demokratik bir insanam konfilliktlərdən uzaq olmağı sevirəm. Bunu özümdən çox ətrafımın söyləməsi daha düzgün olar. Qəribə olsa da, son zamanlar insanları oxumaq qabiliyyətini özümdə hiss etmişəm. Bu isə bəzən çox üzücü olur.

- Nədən qorxursunuz?

- Bəşəriyyətimizdəki baş verən müharibələrdən çox insanların içərisində baş verən mənəm -mənəm "müharibə"sindən qorxumam.

- Bir həkim kimi nə yox deyirsiniz?

- Yersiz yerə təyin edilmiş müalicələrə və ya lüzümsuz yerə müalicə yazmırsa, demək savadı yoxdur deyən pasientləriməz "yox" deyirəm.

-Mən həkim andı içərkən ağlıma gəlməzdi ki ....Bu fikri özünüz tamamlayın zəhmət olmasa.

-Ağlıma gəlməzdi ki, cərrahlıq sənətini bu qədər peşəkarcasına sevərəm.Və anam Roza xanım kimi 7 yaşlı oğluma indidən həkim olmasını, hətta cərrah olmasını təkidlə arzu edərəm.

Əlaqə nömrəsi (055) 759 06 60