- Rəna xanım, necə oldu ki, həkim oldunuz?

- Anam tibb sahəsində çalışdığından uşaqlıqdan bu sahəyə maraq göstərmişəm. Stomatologiya təhsilini Rusiya Federasiyasının Arxangelsk şəhərində almışam. Universiteti fərqlənmə diplomu ilə bitirdikdən sonra uzun müddət Arxangelsk şəhərində işləmişəm. Artıq iki ildir ki, Bakıyadayam. Hal-hazırda həkim stomatoloq kimi çalışıram.

- Hansı üsullarla çalışırsınız?

- Müasir protokollara əsasən işləyirəm.

- Bir stomatoloq olaraq nəyə "yox" deyirsiniz?

- Pasientə pul mənbəyi kimi baxmağa "yox" deyirəm.

- Son zamanlarda ən çox rastlaşdığınız problemlər hansılardır?

- Daha çox kariyesin ağır formaları ilə qarşılaşıram.

- Bu problər nədən qaynaqlanır?

- İnsanların stomatoloqa vaxtında müraciət etməmələrindən.

- Ümumiyyətlə, dişə qulluq neçə yaşdan etibarən başlanmalıdır?

- İlk dişlərin çıxdığı vaxtdan etibarən dişlərə qulluq mütləq lazımdır.

- Xarakter olaraq necə birisiniz?

- Təbiətcə çox dəqiq və mükəmməliyyətçi biriyəm.

- Öz sahəniz üzrə sizi narahat edən məsələ nədir?

- Həmvətənlərimiz dişə bir orqan kimi baxmırlar və dəyər vermirlər. Bu məni çox narahat edir.

- Tələbələriniz varmı?

- Bəli, var. Onları da müasir üsullarla öyrədirik.

- Oxuculara nə məsləhət görürsünüz?

- Sağlam dişlər sağlam qidalanma deməkdir, sağlam qidalanma isə sağlam həyat tərzi deməkdir. Bunu heç vaxt unutmayın.

- Mən həkim andı içərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən həkim andı içərkən ağlıma gəlməzdi ki, işimi bu qədər sevəcəyimi, pasientlərimin üzündəki təbəssümün və onları sevindirməyin mənə bu dərəcədə zövq verəcəyi ağlıma gəlməzdi.

Əlaqə nömrəsi (050) 727 83 00

скачать dle 10.6фильмы бесплатно