- Lamiyə xanım, necə oldu ki, həkim oldunuz?

- Mənim atam da həkim olmaq istəyib. Elə o vaxtdan mənə "həkim qızım" deyirdilər. Sözün düzü, özüm də bu sahəyə həvəsli idim. Beləcə, Tibb Universitetinə qəbul oldum və ağ xalat geyindim.

- Artıq neçə ildir ki, bu sahədəsiniz?

- Artıq 12 ildir ki, bu sahədə faəliyyət göstərirəm.

- Öz sahəniz üzrə hansı işləri icra edirsiniz?

- Mən hormonal problemlərin müayinəsi və müalicəsi (şəkərli diabet, qalxanbənzər vəz xəstəlikləri və s.) ilə məşğul oluram.

- Çalışdığınız illər ərzində nə müşahidə etdiniz?

- Biz təhsil sisteminim dəyişildiyi bir dövrə düşdük. Oxuduğumuz zaman ərzində müəyyən problemlərlə rastlaşdıq. Amma indi internet əsri olduğuna görə, məlumat əldə etmək də asanlaşıb. Tibb də sürətlə inkişaf edir, hər gün yenilənir. Biz də bacardığımız qədər öz biliyimizi təkmilləşdirməyə çalışırıq.

- İş prinsipiniz nədən ibarətdir?

- Bir əsr öncə insanlar daha çox kəskin xəstəliklərdən, ağır infeksiyalardan, mədə qanaxmalarından dünyalarını dəyişirdilər. Son zamanlarda isə xroniki xəstəliklərdən vəfat edənlərin sayı artıb. Biz xəstəliyin kökünü araşdırırıq. Çünki xəstəliklərin kökü araşdırıb vaxtında müdaxilə etmək gələcəkdə yarana biləcək fəsadların qarşısını almaq deməkdir. Ümumiyyətlə, orqanizmə tam olaraq baxmaq lazımdır. Biz daha çox funksional tibbə üstünlük veririk. Daha çox orqanizmin öz işini bərpa etməsinə üstünlük veririk.

- Ailəlisinizmi?

- Bəli, ailəliyəm.

- Xarakter olaraq necə birisiniz?

- Mən kitab oxumaqla ruhumu dincəldən bir insanam. Çalışıram ki, hər şey barəsində məlumatım olsun. Xarakter olaraq şən biriyəm. Yalanı heç sevmirəm. Bir də ki, mənim üçün ən vacib olan övladlarımın yaxşı təhsil almasıdır. Dünya malında gözüm yoxdur.

- Mən həkim andı içərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, insanların duasına bu qədər ehtiyacım olacaq. İnsanların duasını qazandıqca işmə olan həvəsim daha da artır.

Əlaqə nömrəsi: (051) 375 55 20




скачать dle 10.6фильмы бесплатно