- Əminə xanım, necə oldu ki, həkim oldunuz?

- Mən məktəb vaxtı riyaziyyat fənnini yaxşı oxuyurdum. Həvəsim var idi. Amma anam istəyirdi ki, mən həkim olum. Əvvəllər etiraz etsəm də, sonralar onun arzusunu yerinə yetirdim. Tibb Universitetinə hazırlaşdım və qəbul oldum. Universitetdə oxuduqca, xüsusən də Sabunçu Tibb Mərkəzində (Əvvəllər Sabunçu 3 saylı ŞKX adlanırdı) internatura keçərkən həkimliyi daha çox sevdim. Nə yaxşı ki, bu peşəni seçmişəm.

- Artıq neçə ildir ki, bu sahədəsiniz?

- Artıq on üç ildir ki, bu sahədə fəaliyyət göstərirəm.

- Bu illər ərzində nə müşahidə etdiniz?

- Çox xəstəliklər görmüşəm. Mən həm interna keçərkən, həm də internadan sonra işlədiyim xəstəxanada tək infeksionist olmuşam.

- Niyə məhz infeksionistliyi seçdiniz?

- Çünki yoluxucu xəstəlikləri diferensasiya etmək həm çətindir, həm də bu sahədə həkim azdır.

- İş prinsipiniz nədən ibarətdir?

- Mən hər bir pasientə öz doğmam kimi yanaşıram. Əsas iş prinsipim budur.

- Bir həkim olaraq nəyə "yox" deyirsiniz?

- Vicdansız həkimlərin fəaliyyət göstərməyinə "yox" deyirəm.

- Ailəlisinizmi?

- Bəli, ailəliyəm.

- Son zamalarda daha çox hansı problemlərlə rastlaşırsınız?

- Hal-hazırda pasientlərin inamsızılığı və düzgün olmayan müalicələrlə çox rastlaşıram.

- Mən həkim andı içərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu qədər sevilərəm və bu qədər duaya, alqışa layiq olaram.

- Ağlıma gəlməzdi ki, bu qədər insanların duasında olum. Bu o qədər gözəl hisslərdir ki, nə haqsızlıqlar olsa belə onların tək alqışı mənə bəs edər.

Əlaqə nömrəsi: (055) 414 54 77 0504158788

İnistagram: dr.amina_infeksionisthepatoloq


скачать dle 10.6фильмы бесплатно