- Ramilə xanım, necə oldu ki, bu sahəyə gəldiniz?

- Çünki özümü dərk etdiyim gündən etibarən sağlamlığın qidadan gəldiyini dərk etmişəm. İnsan nə yeyirsə, odur. Dünyada piylənmə artıq epidemiya şəklində yayılıb, bir insanı belə obeziteden xilas etmək ona sağlam həyat bəxş etmək deməkdir.

- Artıq neçe ildir ki, bu sahədəsiniz?

- On ilə yaxındır ki, bu sahədə fəaliyyət göstərirəm.

- İş prinsipiniz nədən ibarətdir?

- Əsas iş prinsipim insanların sağlamlıqlarına ziyan verməməkdir.

- İnsanlar sizə daha çox nə ilə bağlı müraciət edirlər?

- Azərbaycanda müalicəvi pəhrizlər tətbiq edən mütəxəssislər çox azdır. İnsanlar mənə müraciət edəndə "Bu kimi sağlamlıq problemim var, araşdırdım, dedilər ki, siz mənə kömək edə bilərsiniz" dedikləri zaman dünya mənim olur.

- Öz sahəniz üzrə hansı işləri icra edirsiniz?

- Mən şablon pəhriz proqramları tətbiq etmirəm.Yalnız şəxsə özəl "barmaq izi qədər" pasientə aid qidalanma planları tərtib edirəm. Müalicəvi pəhrizlər əsas ixtisas sahəmdir.

- Xarakter olaraq necə birisiniz?

- Xarakter olaraq özüm özümü nə qədər anlada bilərəm, bilmirəm.Əsas deyə bilərəm ki, yaşamağı, həyatı, insanları sevirəm.

- Ailəlisinizmi?

- Bəli, 16 illik ailə həyatım var.

- Bir həkim olaraq olaraq nəyə "yox" deyirsiniz?

- Bir sağlam qidalanma mütəxəssisi olaraq deyirəm ki, Hipokratın dediyi kimi "Qoy qidanız dərmanınız olsun".

- Oxuculara nə məsləhət görürsünüz?

- Oxuculara öz bədənləri ilə bir bütün olmalarını, təbiətin şəfa gücündən yararlanmağı məsləhət görürəm.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, insanlara bu qədər faydam olacağam.

Əlaqə nömrəsi: (055) 341 99 06



скачать dle 10.6фильмы бесплатно