- Yeganə xanım, zaman sizi haradan götürüb, hara gətirdi?

- Mən 1996-cı ildə Tibb Universitetinin müalicə işi fakültəsini bitirmişəm. Ailəli olduğum üçün uzun müddət işləməmişəm. Çünki övladlarımın tərbiyəsi ilə məşğul olmağa zamanım yetməzdi. Sözün düzü, universiteti bitirəndən sonra terapevt işləməyə həvəsim olmayıb. Onu da deyim ki, atam geyim dizayneri olub. Mənim də o sahədə istedadım var. Mən də dizeyner olmaq istəyirdim. Amma atam o sahəyə getməyimə razılıq vermədi. Mən də Tibb Universitetinə daxil oldum. Bayaq dediyim ki uşaqlar balaca olduqlarına görə bir müddət işləmədim. Uşaqlar böyüdükdən sonra işləməyə qərar verdim və ilk dəfə 1996-cı ildə kosmetoloji kurslara qatıldım. Onda kosmetologiya indiki kimi inkişaf etməmişdi. Sonra biliklərimi təkmilləşdirdim və məşhur klinikalardan birində işləməyə başladım. Hal-hazırda isə "Dünya" estetik klinikasında fəaliyyətimi davam etdiriəm.

- Artıq neçə ildir ki, bu sahədəsiniz?

- Artıq doqquz ildir ki, bu sahədə çalışıram.

- Bu illər ərzində nə müşahidə etdiniz?

- Bu işdə pula görə, hər üsula əl atanları gördüm. Bilirsiniz, bu sahə çox ciddi bir sahədir və bu işə ciddi nəzarət olunmalıdır. Amma təəssüflər olsun ki, bu işin məktəbini keçməyən, hansısa bir kursdan aldıqları sertifikata görə özlərini kosmetoloq adlandıranlar çoxdur. Bu hallar məni çox narahat edir. Yaxşı kosmetoloq olmaq üçün yaxşı fantaziyaya sahib olmaq lazımdır.

- Bütün kosmetoloji prosedurları icra edirsiniz, yoxsa istisnalar var?

- Bədən dolğularından savayı bütün kosmetoloji prosedurları icra edirəm.

- Xarakter olaraq necə birisiniz?

- Məni ilk dəfə görən insanlar elə fikirləşirlər ki, kobudam, özümdən razıyam. Amma tanıdıqca xətrimi çox istəyirlər. Görürlər ki, necə səmimi bir insanam.

- Tələbəniz varmı?

- Tələbələrim olub. Mən ali tibb savadı olmayanları tələbə olaraq götürmürəm. Bu məsələdə çox ciddiyəm. Ona görə də çox tələbəm yoxdur.

- Nəyə "yox" deyirsiniz?

- Sintetik süni dolğulara qətiyyətlə "yox" deyirəm. Heç vaxt istifadə etməmişəm və edənləri də qınayıram.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, sənətimə bu qədər aşiq olaram. Və indi özümü heç bir sahədə görmürəm.

Əlaqə nömrəsi: (055) 770 26 23


скачать dle 10.6фильмы бесплатно