Yeniyetməlik dövründə böhran
Yeniyetməlik dövrü deyəndə keçid dövrü nəzərdə tutulur. Bu keçid dövrü nə yeniyetməliyə aiddir, nə də uşaqlığa. Valideynlər bu yaşda olan uşaqlarına xüsusi diqqət və qayğı göstərməlidirlər ki, yeniyetmələr böhran dövrünü rahatlıqla keçirə bilsinlər. Yeniyetmə dövrü təxminən 11-12 yaşdan 17-18 yaşadək müddəti əhatə edir. Lakin yeniyetməlik dövrünün başlanmasıma və bitməsinə dəqiq sərhəd qoymaq mümkün deyil. Müxtəlif amillərim təsiri altında həmin yaş dövrü bir il tez və ya gec başlaya, bir il tez və ya gec başa çata bilər. Bu dövrün çətinlikləri və uşaq şəxsiyyətinin dinamilasında baş verən psixoloji tərəddüdləri ilə diqqəti cəlb edir. Görkəmli psixoloq A.N Leontyevin qeyd etdiyi kimi psixi inkişafın müəyyən mərhələsində uşağın əvvəlki tutduğu yer, onun tərəfindən öz imkanlarına müvafiq gəlməyən kimi dərk olunur və uşaq onu dəyişməyə səy göstərir. Ziqmund Freydə görə yeniyetməlik yaşı, ilk növbədə bioloji amillərlə, o cümlədən cinsi yetişkənliklə şərtlənir. Yeniyetmənin orqanizmində baş verən anatomik-fizioliji dəyişikliklər. Uşaq yeniyetməlik dövrünə qədəm qoyduğu andan onun orqanizmində əsaslı dəyişikliklər baş verir. Hipofix və qalxanabənzər vəzlərin fəaliyyəti intensivləşir ki, bunun sayəsində orqanizmdə maddələr mübadiləsi yüksəlir, bədənin aşağı və yuxarı ətrafları uzununa sürətlə inkişaf edir. Boyun sürətlə inkişafı, orqanizmdə gedən maddələr mübadiləsinin yüksəlməsinə, daxili sekrasiya vəzilərinin fəaliyyətinin kəskin sürətlə güclənməsi və cinsi yetişkənliyinin baş verməsi ilə xarakterizə olunur. Ona görə də uşaqlarda keçid dövrü üsyanla başlayır. Bu dövrdə uşaqlarda xarakter kəsik dəyişir və pis vərdişlərə meyl artır. Uşaq özünü artıq böyük saydığından valideynlərin məsləhətlərinə əhəmiyyət vermir. Ona görə də valideynlərlə yeniyetmələr arasında konflikt başlayır. Bəzən yeniyetmələr xoşagəlməz mühitə düşərək: siqaret çəkməkdən, içki içməkdən, hətta oğurluq etməkdən belə çəkinmirlər. Valideynlər bu yaşda olan uşaqları ilə dost olmağı unutmamalıdırlar. Çünki yaxşı və pis halda bu dövrü onlarla bərabər keçməlidirlər. Övladlarınızla danışarkən səs tonunuza və maneralarınıza diqqət etməyi unutmayın!

Əlaqə telefonu: (070) 204 02 07скачать dle 10.6фильмы бесплатно