Bu gün, 23:33- CHP liderindən AŞPA-da Azərbaycana DƏSTƏK
Bu gün, 19:11- İcra Hakimiyyəti ilə tenderlərinin qalibi olan şirkət arasında qalmaqal yaranıb - TƏFƏRRÜAT
Bu gün, 18:48- "Həkim mənə dedi ki, narazılığın var, get sən də özünü yandır..." - NARAZILIQ VAR...
Bu gün, 18:35- Prezidentdən Şuşa ilə bağlı - Sərəncam
Bu gün, 18:24- Ramiz Mehdiyevin kürəkəni Şabranda 52 hektar torpağı ələ keçirdi – QALMAQALLI MƏHKƏMƏ İŞİ
Bu gün, 16:48- Anasını öldürüb 11 yaşlı qardaşını yaralayan yeniyetməyə hökm oxundu
Bu gün, 16:18- “Unibank” kredit borcunu ödəyə bilməyən Vətən müharibəsi qazisini məhkəməyə verdi
Bu gün, 15:39- Zeytun yağını xaricə 9,5 manata, özümüzə 16 manata satırıq - Görənlər desin, ticarətlə məşğuluq...
Bu gün, 15:00- "Nə az nə çox hardasa 400 manat borcumuz var..." - ETİRAZ
Bu gün, 14:20- BDU-da İlahiyyat fakültəsinin adı YENİ QALMAQALDA - İTTİHAM VAR...
Bu gün, 13:48- Naxçıvanda korrupsiyanın “mirfırıldaq” növü rəvacdadır... - “Pullarımızı nazir əvəzi mənimsəyir”
Bu gün, 12:19- Mənşur Gülməmmədli elə-belə getmir... FƏALİYYƏTİ ARAŞDIRILIR - İDDİA
Bu gün, 11:12- Rəsmi Bakıdan Fransa səfirinin geri çağırılmasına - Münasibət
Bu gün, 10:34- Qazaxa hökm edən oliqarx: Məmməd Alıyev
Bu gün, 09:54- Cəlilabadda döyülən işçiyə görə KİM MƏSULDUR? - İDDİA
Bu gün, 09:28- "6 aydır ki, gün itiririk..." - ETİRAZ VAR...
Bu gün, 08:47- Sakinlər ETSN-nin bu idarəsini İTTİHAM EDİR - MÜRACİƏT
Dünən, 20:22- Məşhur "Batı-X" şirkətinin ağacları məhv etdiyi aşkarlandı... - Nazirlik hərəkətə keçdi
Dünən, 19:50- İcra hakimiyyətlərinə yeni səlahiyyət verildi – “Ailədaxili münaqişələrin qarşısı bu yolla alınacaq”
Dünən, 19:35- Rusiya şirkəti Ramiz Mehdiyevin ailəsinə məxsus Bank "BTB"yə QARŞI - DETALLAR
Heydər Əliyev Mərkəzində XX əsrin məşhur rəssamlarından biri Salvador Dalinin "Sürrealizm mənəm" adlı möhtəşəm sərgisinin açılışı olub.
Dahi ispan rəssamı, qrafika ustası, heykəltaraşı, rejissoru və yazıçısı, sürrealizmin ən məşhur nümayəndələrindən biri Salvador Dalinin Azərbaycanda ilk dəfə nümayiş olunan sərgisi ictimaiyyətin böyük marağına səbəb olub. Qonaqlar arasında dövlət və ictimai təşkilatların, diplomatik missiyaların nümayəndələri, mədəniyyət və elm xadimləri, yaradıcı intellektuallar və gənclər yer alıb.
Açılış öncəsi foyedə yüksək incəsənətin bayram abu-havası hökm sürüb, klassik musiqi ifa olunub və qonaqlar səbirsizliklə sərgini gözləyiblər.
Salvador Dalinin əsərləri arasında rəssamın qrafik əsərləri, şüşədən və bürüncdən hazırlanmış heykəltaraşlıq nümunələri, həmçinin "canlı tablolar"ı xatırladan multimedia yer alıb. Bu əsərlər Salvador Dalinin orijinal işlərindən ibarət olan və Rusiya kolleksiyaçısı Pavel Başmakov tərəfindən təqdim olunan ən böyük kolleksiyalardan biridir. Bu unikal layihə ziyarətçiləri rəssamın dünyasına aparır, bu obrazların "canlandığı" multimedia zonası isə Salvador Dali dünyası haqqında daha dərin təsəvvür yaradır.
Azərbaycanın "Synergy Partnership" şirkətinin və Rusiyanın məşhur "PS Gallery" qalereyasının təşəbbüsü ilə təşkil olunan sərginin ən diqqət çəkən xüsusiyyətlərindən biri həmçinin şüşədən hazırlanmış sürrealist obyektlərin və rəssamın orijinal fotoşəkillərinin nümayişi olub. Dalinin ifasında hər bir əsər təkcə qrafik incəsənətin şah əsəri, yenilikçiliyin təzahürü və təkrar olunmaz müəllif yanaşması deyil, həm də bütünlükdə bir tarixdir.
Açılışda "Synergy Partnership"in direktoru Rüfət Abbasov nümayiş olunan sərginin böyük əhəmiyyətini qeyd edərək Heydər Əliyev Mərkəzinə layihənin həyata keçirilməsində göstərdiyi köməyə görə minnətdarlığını bildirib.
"Salvador Dali standartları qıran, gələcək nəsilləri ruhlandıran, sürrealizm vasitəsilə incəsənətə baxışımızı dəyişdirən rəssam olub. Rəssamın dediyi kimi, "Sürrealizm mənəm"! On beş il ərzində "Synergy Partnership" bir çox mühüm layihələr həyata keçirib, lakin bu möhtəşəm sərgi bizim üçün xüsusi qürur mənbəyi oldu", - deyə Rüfət Abbasov bildirib və kolleksiyanın nümayişinə görə Pavel Başmakova minnətdarlığını ifadə edib.
"PS Gallery"nin təsisçisi və rəhbəri, kolleksiyaçı Pavel Başmakov toplanmış publikaya və Heydər Əliyev Mərkəzində öz unikal kolleksiyasının nümayişinə heyranlığını dilə gətirib.
"Burada bu qədər gözəl və aydın simalar gördüyüm üçün çox şadam. Bakı daima əsas mədəniyyət mərkəzlərindən biri olub və belə də qalacaq. Burada mədəniyyəti rəngarəng və möhtəşəm edən, öz şəhərini və ölkəsini şöhrətləndirən bir çox gözəl insan doğulub. Çox şadam ki, İspaniyanın böyük sürrealist rəssamı Salvador Dalinin həyat və yaradıcılığına həsr olunmuş böyük layihəni məhz Bakıda açırıq. Bu dərəcədə əzəmətli hadisənin bütün Qafqazın mədəniyət və memarlıq sahəsində ən gözəl və mühüm əsərlərindən biri olan möhtəşəm Heydər Əliyev Mərkəzində keçirilməsi xüsusən xoşdur. Xüsusilə vurğulamaq istərdim ki, bu il Heydər Əliyevin 100 illiyi qeyd olunacaq. Bu sərginin açılışı həm Azərbaycanda, həm də Rusiyada anılan və dəyər verilən dahi şəxsiyyətin yüzilliyi münasibətilə bizim bütün Azərbaycana töhfəmiz və hədiyyəmizdir", - deyə Pavel Başmakov bildirib və layihənin həyata keçirilməsinə görə Heydər Əliyev Mərkəzinə və "Synergy Partnership"ə minnətdarlığını ifadə edib.
Bakıda "Sürrealizm mənəm" sərgisinin açılışı ilin əlamətdar mədəniyyət hadisəsi olmaqla yüksək incəsənət həvəskarları üçün əsl hədiyyəyə çevrilib. Fəlsəfə və sürrealizm ruhunun, epatajın və yüksək emosinallığın təcəssümü - Salvador Dalinin əsərlərini şərh etmək, bu və ya digər obraza, detallara məntiqi açıqlama vermək, onların mənasını oxumaq çətindir. Bütün bunlar ona görədir ki, onlar vizual mənalardan, obrazlardan, allüziyalardan ibarətdir, süjet oyunları üzərində qurulub. Bu gündən etibarən Heydər Əliyev Mərkəzinin qonaqları yüzə yaxın əsəri görə, sənətşünaslar tərəfindən açılan mənaları özlərində bu sürrealist tabloların doğurduğu təəssüratlar və emosiyalarla müqayisə etməyi sınaya bilərlər.
Sərgi aprelin 27-dən oktyabrın 8-dək açıq olacaq. Biletləri aprelin 27-dən Heydər Əliyev Mərkəzinin kassalarından əldə etmək mümkündür.