Hər xalqın özünəməxsus adət-ənənələri var. Bunlar yaşanıla-yaşanıla yaşadılır. Yeniyetmələr, gənclər bu adət-ənənələrin mahiyyətini, fəlsəfəsini dərk etdikcə xalqın milli mentalitetinə daha yaxından bələd olur, onun sədaqətli daşıyıcısına çevrilir.
Çox qədim dövlətçilik tarixinə malik olan xalqımız milli bayramlarını yüksək könül xoşluğu ilə qeyd edir. Bu bayramlar sırasında Ramazan bayramı xüsusilə fərqlənir. On bir ayın sultanı kimi əzizlənən, olduqca dəyərli fəzilətləriylə xalqın güzəranını nurlandıran Ramazan ayı qarşılıqlı paylaşma, mərhəmət, nəvaziş, böyüklərə aşırı ehtiram, duruluq, saflıq ayı olduğuna görə bunca müqəddəsdir. Xalqımız müqəddəsliyi həmişə müqəddəs sədaqətlə yaşadıb.
Bu ilin Ramazan bayramında məcburi köçkünlər də şükranlıqla göy üzünə baxacaqlar. Torpaqlarımız işğaldan azad edildi!
Bu ilin Ramazan ayı olduqca duyğusallıqla yaşanılır. Bu ilin Ramazan ayı işğaldan qurtuluşun Ramazan ayıdır. Xalq bu il bu qurtuluşu yetirənlərə - Müzəffər Ali Baş Komandana, güclü, qüdrətli Azərbaycan Ordusunun əsgər və zabitlərinə müqəddəs niyyətlə dualar edir. Bu ilin Ramazan ayında xalqın 28 il çəkən sıxıntılarından qurtuluşunun müqəddəs duaları eşidilir.
Ramazan ayınız mübarək olsun.

Səbinə XASAYEVA,
Milli Məclisin deputatıскачать dle 10.6фильмы бесплатно