Anons

Bu gün, 12:21- POLİS BELƏ OLMALIDIR. JURNALİSTİN DİLİNDƏN

Dünən, 17:14- Dörd ölkədən Azərbaycana quşçuluq məhsullarının idxalına məhdudiyyət qoyulub

Dünən, 16:47- “Nar” mobil rabitə bazarında müsbət inkişaf dinamikasını qoruyub saxlayır

Dünən, 16:19- 1 178 şəhid ailəsi üzvü və qazi işlə təmin olunub

Dünən, 15:51- Vaksin vurulandan nə qədər sonra yoluxma riski artmağa başlayır? - AÇIQLAMA

Dünən, 15:25- Azərbaycanda diktor vəfat etdi

Dünən, 15:00- Azərbaycanda COVID-19 əleyhinə peyvənd olunanların sayı açıqlanıb

Dünən, 14:33- "Azəristiliktəchizat"dan "Azəriqaz"a borcla bağlı AÇIQLAMA

Dünən, 14:06- Bu il narkotikə görə 5 mindən artıq şəxs cinayət məsuliyyətinə cəlb edilib

Dünən, 13:49- 2025-ci ilədək Azərbaycanın ümumi daxili məhsulu artacaq - BVF

Dünən, 13:17- Şənbə gününün hava proqnozu açıqlanıb

Dünən, 12:54- Şahmat Federasiyasına yeni prezident seçilib

Dünən, 12:22- Hərbiçilərə sosial şəbəkələrlə bağlı qadağa QOYULUR

Dünən, 12:00- Azərbaycanda 2025-ci ildə ÜDM-in həcmi 100 mlrd. manatı keçəcək - BVF

Dünən, 11:35- Daha 43 nəfər Almaniyadan Azərbaycana göndərilib - RƏSMİ

Dünən, 11:08- Bu gün Soçidə Azərbaycan, Rusiya və Ermənistan rəhbərlərinin görüşü olacaq

Dünən, 10:43- Azərbaycan iki erməni əsilli şəxsi Ermənistan tərəfinə təhvil verib

Dünən, 10:16- YUNESKO süni intellekt sahəsində ilk qlobal etik standartları qəbul edib

25-11-2021, 17:19- Azərbaycan gimnastı Batut Gimnastikası üzrə Dünya Yaş Qrupları Yarışlarında finala çıxıb

25-11-2021, 16:51- Azərbaycanda 1 880 nəfər COVID-19-a yoluxub, 27 nəfər ölüb

Haqqımızda Əlaqə

Dünyada pandemiya alovlanır - Məhdudiyyətlər və yeni dərmanlar gündəmdədir

Tarix:19-11-2021, 10:17

Dünyada pandemiya alovlanır - Məhdudiyyətlər və yeni dərmanlar gündəmdədir
Koronavirus epidemiyası qlobal miqyasda təsirlərini davam etdirir. Ümumilikdə 254 milyondan çox inan infeksiyaya yoluxub və 5 milyondan artıq şəxs virus səbəbindən həyatını itirib.

Ümumdünya Səhiyyə Təşkilatının açıqlamalarına görə, ardıcıl dördüncü həftədir ki, qlobal miqyasda yoluxma və ölüm saylarında artım müşahidə olunur. Ötən həftə 3,3 milyon insanın virusa yoluxduğu və bunun böyük hissəsinin də Avropa ölkələrinin payına düşdüyü vurğulanıb. Ekspertlər yoluxmaların artmasını əsasən virusun mutasiyaya məruz qalması nəticəsində daha yoluxucu "Delta" və "Delta+", yəni "Ay.4.2" variantının yayılması və mövsümlə əlaqələndirirlər.

Pandemiyaya qarşı məhdudiyyətlər yenidən gündəmdə...

Yoluxma və ölüm sayının artması bir çox ölkəni əlavə tədbirlər görməyə məcbur edib. Belə ki, Hollandiya hökuməti noyabrın 2-də maska və sosial məsafə qaydalarını yenidən bərpa etmişdi, lakin ölkə miqyasında epidemioloji vəziyyətin daha da pisləşməsi səbəbindən noyabrın 13-dən qismən qapanma tədbirlərinin tətbiqinə başlanılıb.

Yoluxma sayındakı artımlar İtaliyanı da məhdudiyyətləri genişləndirməyə sövq edib. Belə ki, ictimai nəqliyyatda nəzarət gücləndirilib. Artıq taksi və xüsusi sərnişindaşıma ilə məşğul olanlara 2-dən çox sərnişin götürməyə icazə verilmir.

Avstriyada vaksinasiya olunmayan şəxslərin küçəyə çıxmasına məhdudiyyət tətbiq edilib, Ukraynada isə əhalinin vaksinasiyaya təşviqi üçün pul mükafatının verilməsi nəzərdə tutulub.

Azərbaycana gəlincə səhiyyə naziri əvəzi Teymur Musayev hələlik məhdudiyyətlərin tətbiq edilməsinə ehtiyac olmadığını açıqlamışdı.

Pandemiya ilə bağlı Trend-ə açıqlama verən həkim-infeksionist Könül İsmayılova bildirib ki, hazırda epidemioloji vəziyyət ölkəmiz üçün stabil hesab oluna bilər, lakin, yanaşı olaraq mövsümi infeksiya halları izlənilməkdədir:

"Qəfil və kəskin iqlim dəyişikliyi buna yoluxmaların artmasına təkan verən amillər sırasındadır. Mutasiya etmək viruslara xas xüsusiyyətdir, bu, əhalidə narahatlıq doğurmalı deyil, sadəcə olaraq qorunma tədbirlərinə əməl etmək yetərlidir. Əl gigiyenası, respirator etiketlərə, qapalı məkanlarda maska istifadəsi və spirt əsaslı dezinfektantların istifadəsi standart-əsaslı qorunma tədbirləridir. Hazırda dünyada ən çox ölüm sayı Rusiyada izlənilir, bu isə onlarda vaksinasiya olunmuş əhalinin sayının azlığı ilə əlaqələndirilir. Azərbaycanda hazırda buster doza alan şəxslər kifayət saydadır. Buster doza yaranmış immuniteti gücləndirməyə yardım edir. O səbəbdən də risk qrupunda olan insanların buster doza alması tövsiyyə olunandır".

Koronavirusa qarşı vaksinləri həblər əvəz edəcək?

Qeyd edək ki, aparıcı dərman şirkətləri virusun qarşısının alınması üçün tədqiqatlarını davam etdirirlər. Yaxın gələcəkdə ənənəvi vaksinləri həblər əvəz edə bilər. Belə ki, "Pfizer" şirkəti "Paxlovid" adlı preparatının ağırlaşmış və ölüm riski yüksək olan xəstələrdə istifadə olunması üçün ABŞ-ın Qida və Dərman preparatlarına Nəzarət İdarəsinə (FDA) müraciət edib. Müsbət cavab veriləcəyi təqdirdə, yaxın həftələrdə həbin satışa çıxarılacağı gözlənilir. Sözügedən dərmanın xəstəxanalara düşmə və ölüm riskini 89 faiz azaltdığı bildirilir. Xatırladaq ki, bir müddət əvvəl isə "Merck & Co" şirkətinin "Molnupiravir" adlı koronavirus əleyhinə preparatı təqdim edilmiş və İngiltərə bunun istifadəsinə icazə verən ilk ölkə olmuşdu.

Bəs yeni vasitələr pandemiyanın sonunu gətirə bilərmi?

Könül İsmayılovanın sözlərinə görə, hazırda dünya ölkələrində epidemik alovlanmalar yüksək olduğu bir halda bunu qabaqcadan proqnozlaşdırmaq çətindir. Lakin, tibb elmi daima inkişafdadır.

"Təbii ki, daima yenilənən texnologiya və təbabət sahəsində sonunda hər bir tibbi problemin aradan qaldırılmasında nailiyyətlər əldə olunacaq. Koronavirusla mübarizədə tibbdə digər virus xəstəlikləri üçün istifadə olunan virusəleyhinə preparatlar da tətbiq olunur və zamanla bu preparatların effektivliyi qiymətləndirilir. Koronavirusa qarşı dərmanların sayının artması əsas deyil, bu preparatların effektivliyi və insan sağlamlığı üçün təhlükəsizliyi önəmlidir".скачать dle 10.6фильмы бесплатно

ŞƏRH YAZ
yüklənir...
XƏBƏR LENTİ
FOTO
yüklənir...