- Sevil xanım, necə oldu ki, kosmetoloq oldunuz?

- Mən həkimliyi bitirmişəm. Amma dəri ilə işləməyə çox böyük marağım olub həmişə. Ona görə də bu sahəyə gəldim.

- Artıq neçə ildir ki, bu sahədəsiniz?

- Artıq səkkiz ildir ki, bu sahədəyəm.

- Hansı prosedurları icra edirsiniz?

- Kosmetologiyaya aid bütün prosedurları icra edirəm. İstisnalar yoxdur.

- Son zamanlarda xanımlar daha çox hansı prosedurlarla bağlı müraciətlər edirlər?

- Daha çox üzdəki sızanaqlarla və üzdəki qırışlarla bağlı müraciətlər olur.

- Ümimiyyətlə, kosmetoloji prosedurlara başlamaq üçün konkret bir yaş həddi varmı?

- Düzdür, indi 20 yaşındakı xanımlar da hansısa prosedurlar üçün bizə müraciət edirlər. Amma kosmetoloji prosedurlara 30 yaşdan sonra başlanılmasını daha məqsədəuyğun hesab edirəm.

- Son zamanlarda xanımlarda bir standartlaşma var sanki. Eyni dodaq, eyni burun, eyni yanaq və s. Bunu nə ilə əlaqələndirirsiniz?

- Düzdür, indi əksər xanımlar bir-birinə bənzəməy başlayıb. Ancaq mən süniliyin əleyhinəyəm. Bacardığım qədər təbiiliyi qoruyub saxlamağa çalışıram. Çünki hər şey təbii olanda daha gözəl görünür.

- Sizcə, bir xanımı daha gözəl göstərən onun hansı üzvüdür? Daha çox nəyə diqqət olunmalıdır?

- Məncə, dərinin təmizliyi çox önəmli məsələdir. Hər şey ondan başlayır. Bir xanım üçün üz dərisinə diqqət və qayğı çox önəmli bir məsələdir.

- Bir kosmetoloq olaraq nəyə "yox" deyirsiniz?

- Kosmetoloji prosedurdan yararlanan xanımların və bəylərin sonradan içki içib, siqaret çəkməklərinə birmənalı olaraq "yox"deyirəm.

- Xarakter olaraq necə birisiniz?

- Mən şən biriyəm. Sadə və səmimiyəm. İnsanlara tez inanıram. Düzdür, bu sadəliyimdən istifadə etmək istəyənlər olur. Lakin hissiyatım güclü olduğuna görə, buna imkan vermirəm. Bir də ki, hesab edirəm ki, mən çox güclü xarakterə malikəm.

- Xanımlara nə məsləhət görürsünüz?

- Məsləhət görürəm ki, öz gözəlliklərinin qeydinə qalsınlar. Xanım hər yaşda gözəl və özəl olur. O özəlliyi və gözəlliyi qorusunlar. Bunun üçün işini bilən, peşəkar peşəkar kosmetoloqlara müraciət etsinlər. Bu, çox vacib məqamdır.

- Mən əynimə ağ xalat geyinərkən ağlıma gəlməzdi ki,.. Bu fikri tamamlayın, zəhmət olmasa.

-Mən inanırdım ki, öz işimdə qabağa gedəcəyəm. Çünki öz işimə və bacarığıma həmişə arxayın olmuşam.

Həkimlə əlaqə: (055) 3635423