Aprelin 29-da Azərbaycan Dövlət Pedaqoji Universitetinin Məktəbəqədər təhsil fakültəsinin Tələbə Elmi Cəmiyyətinin (TEC) ümummilli lider Heydər Əliyevin anadan olmasının 99-cu ildönümünə həsr olunmuş növbəti elmi konfransı keçirilib.

Konfrans ənənəvi olaraq plenar və 3 bölmə iclasından təşkil olunmuşdur. Plenar iclasında giriş sözü ilə çıxış edən fakültənin dekanı professor Şəhla Əliyeva konfransı açıq elan edib, iştirakçılara uğur arzulayıb. Dosent Ş.A.Baxışova və Məktəbəqədər təlim və tərbiyə ixtisasının tələbəsi Sülhiyyə Məmmədli Heydər Əliyevin həyat və yaradıcılığı haqqında məruzələr ediblər. Tədbirin davamında Ümumi psixologiya kafedrasının müdiri prof. R.Əliyev, dekan müavini dos. A.İmanov, Məktəbəqədər təhsilin pedaqogikası kafedrasının müdiri prof. M.İlyasov çıxış edərək ümummilli liderin təhsilin inkişafına verdiyi tövhələrdən və və tələbə elmi işlərinin əhəmiyyətindən danışdılar.


Fakültə TEC-in sədri T.Ə.Şahvələdli-Qədimova konfransın Məktəbəqədər təhsil, Psixologiya və Korreksiyaedici təlim bölmələri üzrə üç istiqamətdə təşkil olduğunu, konfransın proqramına əsasən bölmə sədr və katiblərini, həmçinin təşkilati komitənin üzvlərini elan etdikdən sonra bölmə iclasları başlanıb.

Hər üç bölmədə tələbələrin maraqlı təqdimatları bölmə sədr və katibləri, həmçinin müəllimlər tərəfindən maraqla dinlənilib, geniş müzakirələr aparılıb. Bölmələrin yekununda tezislərinə görə seçilən tələbələr fərqləndirilib və konfransın yekun iclasında fakültə dekanı prof. Ş.Əliyeva tərəfindən diplomlarla təltif olunublar.
скачать dle 10.6фильмы бесплатно