Valideynlərin çoxu zamanında yaşadıqları ağrıları, çətinlikləri övladları yaşamasın.....

Zamanında yaşaya bilmədiyi xoşbəxtlikləri yaşasınlar deyə bir ömür çalışırlar.

Nəticə çox zaman bumeranq olur. Tarix daima təkrarlanır.

Zamanında çətinlik görmədiyi, hər istədiyi alındığı, olduğu üçün çox səhvlər edən valideyn, övladını "çətinlik görsün, həyatı dərk etsin, doğru qərarlar versin" düşüncəsi ilə böyüdür. Yəni, öz ağrılarını yaşamasını istəmir, yaşaya bilmədiklərini yaşasın istəyir. Valideyn üçün bu çox doğru addımdır, bəs övlad?

Övlad belə düşünmür, belə qəbul etmir, çünki tarix təkrar olsa belə, insanların təkrar oluşu çox zaman eyni ana düşmür. Övladı üçün bu əngəldi, dəyərsizlikdi.....

O övlad böyüyür, özü valideyn olur. Övladını ən mükəmməl şəkildə böyütməyə çalışır. Ən yaxşılarına yönəlir. O da eyni ilə tarixi təkrarlayır. Yaşadıqlarını yaşamasın, yaşamaq istədiklərini övladı yaşasın deyə.

Misal: Bir mağazaya gedir. Övladı sadecə, bəlkə də orta dəbdə bir geyimi çox bəyəndiyi halda, övladına ən bahalı, ən göstərişli, marka geyimi alır. Belə baxanda pis heç nə yoxdur, hə? Valideyn, övladını əl üstündə saxlayır? Qətiyyən yox.

O övlad yenə nəticədə özünü dəyərsiz hiss edir. Buna " qudurğanlıq" deyə bilməzsiniz! Çünki, o uşaq valideyninin həyatını, düşüncələrini yaşamır, eyni ilə zamanında valideyninin etdiyi isyan kimi, onun istəyi başqa bir şey idi...

İcazə verin, övladlarınız özlərinə məxsus xəyal qursun, qərarlar versin, mənalı-mənasız davranışları olsun, doğru etdiyi zaman, səhvidə olacaq əlbət. Səhv etmək insana məxsusdur çünki. Buraxın övladınız səhvidə dadsın. Səhvin bir bitiş olmadığını anlasın. Bir robot deyil də, insan olduğunun fərqində olsun.

Bunun yerinə, övladınıza :

Səhər oyandıqda, nə etmək istədiyini;

Axşam yatdıqda, bu gün onu nələrin, kimlərin xoşbəxt hiss etdirdiyini soruşun;

Boş zamanları qalmasın deyə, özünüzdən proqram qurmaq yerinə, icazə verin, zamanı dəyərləndirməyi özü öyrənsin;

Bacarmağın qalib gəlmək olduğunu deyil də, sınamaq olduğunu daima bilsin.

Əlaqə nömrəsi: (050) 472 39 09скачать dle 10.6фильмы бесплатно