- Kəmalə xanım, necə oldu ki, bu sahəyə gəldiniz?

- Həkim olmaq uşaqlıq arzum olub. Dayılarımın üçü də həkimdir. Bu amil də bu sahəyə marağımı daha da artırdı və qərara gəldim ki, həkim olacağam. Nə yaxşı ki, həkim oldum. İşimi çox sevirəm.

- Artıq neçə ildir ki, bu sahədəsiniz?

- On ilə yaxındır ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Hər zaman öz üzərimdə çalışıram. Beynəlxalq konfranslarda iştirak edərək tibb sahəsində olan yenilikləri təqib edirəm.

- İş prinsipiniz nədən ibarətdir?

- İşimdə çalışqan və dəqiq biriyəm. Pasientlərimin razı qalması üçün əlimdən gələni edirəm.

- Son zamanlarda daha çox hansı problemlərlə rastlaşırsınız?

- Daha çox quru göz sindromuna, şəkər xəstələrində gözdibi problemləri, uşaqlarda göz zəifliyi və s. ilə daha çox rastlaşırıq.

- Xarakter olaraq necə birisiniz?

- İşdə məsuliyyətli, ciddi biriyəm. İşdənkənar isə sakittəbiətli və ünsiyyətcil insanam.

- Ailəlisinizmi?

- Bəli, ailəliyəm.

- Bir həkim olaraq nəyə "yox" deyirsiniz?

- Pasientlərlə kobud rəftara qəti surətdə "yox" deyirəm.

- Oxuculara nə məsləhət görürsünüz?

- Hər hansı bir narahatçılıq olduqda, həkimə vaxtında müraciət etsinlər. Çünki vaxtında olunana müdaxilə və müalicə gələcəkdə yarana biləcək fəsadların qarşısnın alınması deməkdir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu işdə irəliləmək üçün hədsiz çətinliklərlə rastlaşacağam.

Əlaqə nömrəsi: (050) 494 19 29







скачать dle 10.6фильмы бесплатно