- Vüsalə xanım, necə oldu ki, bu sahəyə gəldiniz?

- Bu sualı həmişə verirlər. Mən özümü dərk etdiyim gündən, uşaqlıqdan həmişə "həkim olacam" deyib böyümüşəm. Yəqin ki, bu ailəmdən irəli gəlir.

- Artıq neçə ildir ki, bu sahədəsiniz?

- On doqquz ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Mənim ixtisasim göz cərrahı olaraq insanların gözünə işıq verməkdir.

- Sizin üçün öz işinizdə vacib olan nədir?

- Mənim ücün vacib olan otağımdan çıxan hər üzü gülən pasientin məndən razı getməsidir.

- Bu sahədə görmək istədiyiniz, amma görə bilmədiyiniz məqamlar hansılardır?

- Çox təəssuf ki, bəzi xəstələrimiz özlərinə qarşı çox məsuliyyətsiz yanaşırlar. Bunları görmək insanı məyus edir.

- İşdən kənarda necə birisiniz?

- Həyatda istər işdə, istərsə də evdə pozitiv bir insanam. Səyahətləri, əylənməyi çox sevirəm. Ana kimi soruşsanız, tələbkaram.

- Ailəlisinizmi?

- Bəli, ailəliyəm. 15 və 12 yaşlarında iki övladım var.

- Bir həkim olaraq sizin üçün nə yol verilməzdir?

- Vicdanımı itirməmək. Səhvsiz həkim olmur. Təcrübə zamanla gəlir.

- Oxuculara nə məsləhət görürsünüz?

- İnsan dünyaya bir dəfə gəlir və bu dünyanı işıqlı yaşamaq lazımdır. Sadəcə, özlərinə diqqətli olub vaxt aşırı gözlərini yoxlatdırsınlar. Bəzi xəstəliklər çox təəssüf ki, yalnız müayinə zamanı aşkar edilir. Məsələn, qlaukoma (qara su).

Əlaqə nömrəsi: (055) 771 28 95

скачать dle 10.6фильмы бесплатно