- Necə oldu ki, bu sahəyə gəldiniz?

- Əslində bu ixtisas ağlımda yox idi. Həkimliyə hazırlaşırdım. Ama həyat elə gətirdiki psixologiyanı qazandım. Və bu sahədə davam etdim.

- Artıq neçə ildir ki, bu sahədəsiniz?

- Artıq 5 ildir ki, bu sahədəyəm.

- İş prinsipiniz nədən ibarətdir?

- İş prinsipim insanların həyatına ən gözəl şəkildə toxunmaqdan ibarətdir.

- Öz sahəniz üzrə hansı işləri icra edirsiniz?

- Həm uzmanlaşmağa davam edir, həm də eyni zamanda seanslarımı tərtib edirəm. Hansı ki, EMDR, CBT, MİNDFULNESS, Yaşam Koçluğu sahələrində artıq mütəxəssisləşmişəm.

- Son zamanlarda sizl daha çox nə ilə bağlı müraciətlər olur?

-Daha çox ailəsi ilə problemlər yaşayan, uşaqlıqdan travması olan yetişkinlər müraciət edir. Hansı ki “mən güvənsizlik yaşayıram”, “mən bacarıqsızam”, “mən digərlərinə görə daha faydasızam” şikayətləri dilə gətirilir.

- Xarakter olaraq necə birisiniz?

-Xarakter olaraq işdə təmkinli, soyuqqanlı eyni zamanda səmimi və lider ruhlu biriyəm. Normal həyatda isə qayğıkeş, dəlisov (uşaq ruhlu) biriyəm.

- Ailəlisinizmi?

- Xeyr, ailəli deyiləm.

- Bir mütəxəssis olaraq nəyə "yox" deyirsiniz?

- Bir mütəxəssis olaraq “insanların özündən çox ətrafı düşünmələrinə, başqalarının xoşbəxtliyini düşünüb özünü ikinci plana atmaqlarına” yox deyirəm.

- Oxuculara nə məsləhət görürsünüz?

-Oxuculara “Həyatda ilk əvvəl özlərini anlamaqlarını, özləri ilə barışıq olmalarını, özlərini sevmələrini və nə olursa olsun həyat gözəldir ifadəsini unutmamaqlarını” demək istəyirəm. Çünki bunlar olduqdan sonra həqiqətən həyata baxış pəncərəmiz dəyişir və hər şey daha gözəl olur. Nə deyiblər, hər şey özünü sevməkdən başlayır.

-Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

-Mən bu işi seçərkən ağlıma gəlməzdi ki, ixtisasımı bu qədər sevərəm və insanların həyatına toxunub bərabər gözəlləşdirməyə çalışmaq bu qədər xoşbəxtlik verər. Həqiqətən işim sayəsində məni bu qədər sevən pasientlərim var. Bərabər güvən dolu bir yola çıxırıq, səmimi və sevgi dolu addımlarla gözəl nəticələr əldə edirik. Sözün əsl mənasında zaman keçdikcə psixologiya hər gün daha çox inkişaf edir. Heç düşünməzdim bura qədər gəlib çıxacağımızı. Bugün həqiqətən insanlarımız daha geniş düşünməyə və daha çox inkişafa meyilli olmağa başlayıblar.

Əlaqə nömrəsi: (050) 598 98 54




скачать dle 10.6фильмы бесплатно