- Ülviyyə xanım, necə oldu ki, həkim oldunuz?

- Ağ xalat geyinmək mənim uşaqlıq arzum olub. Amma ailəm buna qarşı idi. Rəhmətlik nənəmin dəstəyi ilə onları razı sala bildim və 2000-ci ildə Tibb Universitetinə daxil oldum. 2007-ci ildə terapevt ixtisası üzrə internaturanı bitirdim. Bir müddət terapevt kimi işlədim. Daha sonra Rusiya Federasiyasında ostepatiya üzrə dörd il təhsil aldım.

- Artıq neçə ildir ki, bu sahədəsiniz?

- Artıq səkkiz ilə yaxındır ki, bu sahədə fəaliyyət göstərirəm.

- İş prinsipiniz nədən ibarətdir?

- Pasientlərə az zərər verməklə onlara çox faydalı olmaq əsas iş prinsipimdir. Mən həmişə çalışmışam ki, pasientləri dərmansız müalicə edim.

- Öz sahəniz üzrə hansı işlər görürsünüz?

- Ostepatiyanı kənardan baxanda massaja bənzədirlər. Amma tamam başqa bir sahədir. Məsələn, manual terapevt ancaq əzələ və bağla işləyir, amma osteopat daha dərinə gedə bilir. Hətta daxili orqanlarla kəllə sümükləri ilə də işləmək mümkündür. Tam ağrısız və əl ilə aparılan müalicə üsuludur.

- Osteopatiya hansı xəstəliklərin müalicəsində faydalıdır?

- Uşaqlarda skolioz, yastı pəncəlilik, nitq ləngimələri və s. Pproblemlərin aradan qaldırılmasında böyek rolu var. Həmçinin, yeni doğulan körpələrə osteopatik müdaxilə edildikdə gələcəkdə yarana biləcək fəsadların qarşısı alınmış olur. Yetkin yaşlı insanlarda isə yırtıqlar, baş ağrıları ,artrozlar və s. xəstəliklərin, hamilələrdə baş və bel ağrılarının müalicəsində çox faydalıdır.

- Hansı yaş qrupuna aid pasinetlər qəbul edrsiniz?

- Yaş məhdudiyyəti yoxdur. İstənilən yaşda pasientləri qəbul edirik.

- Xarakter olaraq necə birisiniz?

- Çox mülayim biriyəm. İşimə qarşı tələbkaram. Məsuliyyətliyəm.

- Ailəlisinizmi?

- Bəli, ailəliyəm.

- Tələbələriniz varmı?

- Bəli bir neçə tələbəm olub. Hazırda müraciət edənlər var amma vaxt baxımından alınmır

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Məncə, hər bir həkim ilk növbədə öz vicdanı qarşısında cavab verməlidir. Şəxsən mən hər bir pasientə öz doğmam kimi yanaşıram.

Əlaqə nömrəsi: (055) 703 38 12


скачать dle 10.6фильмы бесплатно