- Səbinə xanım, necə oldu ki, bu sahəyə gəldiniz?

- Həkim olmaq uşaqlıq arzum olmayıb. Sonradan yaranan bir istək olub. Universitetə hazırlaşdığım ərəfədə valideynlərimin və bibimin istəyi, dəstəyi ilə həkim olmaq qərarına gəldim. Qəbul imtahanında yüksək bal toplamışdım. Amma müalicə işi fakültəsini seçmədim. Stomatologiyanı seçdim. Çünki mənim üçün gözlə görülən nəticələr çox yaxşı motivasiyadır. Peşman deyiləm. Yaxşı ki, stomatoloq oldum. İşimi çox sevirəm.

- Artıq neçə ildir ki, bu sahədəsiniz?

- Beş ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Daha çox terapiya və ortopediya ilə məşğul oluram.

- İş prinsipiniz nədən ibarətdir?

- Mənim üçün ən əsas həkim-pasient münasibətidir. Pasient həkimin yanında özünü rahat hiss etməlidir. Hər hansı bir pasient həkimlə ilk ünsiyyətdən sonra sakitləşmirsə, ağrıları azalmırsa, bu, həkimin qeyri-peşəkarlığı deməkdir. Bir də ki, mən sterilizasiya məsələlərinə çox diqqət edirəm.

- Bir neçə il öncə bu sahədə daha çox bəylər çalışırdılar. Amma son zamanlarda xanım stomatoloqların sayı artıb...

- Bəli, doğrudur. Xanım pasientlər də rahat olmaqları üçün xanım stomatoloqlara müraciət edirlər. Həm də xanımlar terapiyanı daha incə, daha səbrlə işləyirlər.

- Bir stomatoloq olaraq nəyə "yox" deyirsiniz?

- Bizim məsləhət görmədiyimiz bir şeyi pasientin israrla istəməsinə "yox" deyirəm.

- Ailəlisinizmi?

- Xeyr, subayam.

- Xaraktet olaraq necə birisiniz?

- Mehriban və işimlə əlaqədar ünsiyyətcil biriyəm. Və işim mənə səbri öyrədib.

- Oxuculara nə məsləhət görürsünüz?

- Məsləhət görürəm ki, diş həkimlərini doğru seçsinlər. Çünki mən çox vaxt bəzi tibb təhsili olmayan insanların səhvini düzəltmək məcburiyyətində qalıram. Bir də ki, həkimə vaxtında müraciət etsinlər. Çünki vaxtında olunan müdaxilə və müalicə gələcəkdə yarana biləcək fəsadların qarşısının alınması deməkdir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu qədər müxfəlif xarakterli insanlar tanıyaram. Həm də həkimliyin bu qədər çətin və məsuliyyətli olacağını bilirdim, indi isə yaşayıram, işdə olmadığın zaman belə işdəsən (gülür).

Əlaqə nömrəsi: (050) 963 22 65







скачать dle 10.6фильмы бесплатно