- Xalidə xanım, necə oldu ki, bu sahəyə gəldiniz?

- Ağ xalat geyinmək uşaqlıq arzum olub. 2014-cü ildə Tibb Universitetinin müalicə işi fakültəsini fərqlənmə diplomu ilə bitirmişəm. Bundan sonra Tədris Cərrahiyyə Klinikasında ümumi cərrahiyyə üzrə beş il rezidentura keçmişəm. Hal-hazırda həmTədris Cərrahiyyə klinikasında, həm də 27 saylı poliklinika ümumi cərrah - proktoloq olaraq fəaliyyət göstərirəm. Ümumi cərrahiyyə çox geniş bir sahədir. Proktologiyanı mənə müəllimim Vüqar Abbasov sevdirib. Onun işlərindən ilham almışam. İşimi çox sevirəm.

- Artıq neçə ildir ki, bu sahədəsiniz?

- Səkkiz ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Proktologiya anal və perianal nahiyədə olan xəstəlikləri öyrənən bir elmdir. Proktoloq isə bu sahə ilə məşğul olan həkim cərrahdır. Biz daha çox babasil, anal çat, rektosel, anal poliplər, anal nayihənin apsesi və s. xəstəliklərin müalicəsi ilə məşğul oluruq.

- İş prinsipiniz nədən ibarətdir?

- Mən hər bir pasientlə saatlarla yorulmadan danışa bilərəm. Bu da işimə olan sevgimdən irəli gəlir. Pasientimin sağlamlığı mənim üçün hər şeydən önəmlidir.

- Xarakter olaraq necə birisiniz?

- Dürüst insanam. Düzgünlüyün tərəfiyəm. Nəyinsə xatirinə heç kimə heç nəyi güzəştə getmirəm.

- Ailəlisinizmi?

- Bəli, ailəliyəm. Bir qızım var.

- Ailə həyatı ilə bu iş alınırmı?

- Çətin olsa da, balanslaşdırmağa çalışırıq.

- Bir həkim olaraq nəyə "yox" deyirsiniz?

- Öz şəxsi mənafeyinə görə pasientləri aldatmağa "yox" deyirəm.

- Oxuculara nə məsləhət görürsünüz?

- Əgər sağlamlığınızda hansısa bir problem varsa, vaxtında mütəxəssisə müraciət edin. Çünki vaxtında olunan müdaxilə və müalicə gələcəkdə yarana biləcək fəsadların qarşısının alınması deməkdir.

Əlaqə nömrəsi: (050) 337 67 62скачать dle 10.6фильмы бесплатно