- Günay xanım necə oldu ki bu sahəyə gəldiniz?

- Mənim əslində bu sahəyə gəlməyimə öz xarakteristikam səbəb olmuşdur, bir şeyi qeyd edim ki, hər bir insanın müxtəlif ruhları var və onlar fərqli situasiyalarda fərqli ruhlara sahib ola bilirlər. Hələ tələbəlik vaxtlarımdan həmişə insanları dinləməyə, onların problemlərini həll etməyə çalışmışam.

- Artıq neçə ildir ki bu sahədəsiniz?

- Uzun müddətdir ki, bu sahədə çalışıram.

- İş prinsipiniz nədən ibarətdir?

- Mənim iş prinsiplərim arasında ilk olaraq “pasiyentlərə balıq tutmağı öyrətmək” gəlir. Yəni onlara çətin vəziyyətlərdən mən olmadıqda belə, necə çıxa biləcəklərini öyrətməyə və özgüvənlərini artırmağa çalışıram.

- İnsanlar ən çox nə ilə bağlı müraciət edərlər?

- Ən çox panik atak, depresiya halları və həyəcan-təşviş pozuntusu ilə bağlı müraciətlər olur. Ümumiyyətlə, psixoloji-nevrotik pozuntularla bağlı xeyli sayda müraciətlər daxil olur. Həmçinin,
obsessiv-kompulsiv pozuntular, asılılıq, özgüvən problemləri, yeniyetmələrdə isə yeniyetməlik dövrü problemləri, konfliktləri ilə əlaqədar müraciətləri qeyd edə bilərəm.

- Xarakter olaraq necə birisiniz?

- İlk olaraq deyə bilərəm ki, güclü insanam. Məğlub olmağı sevmirəm və yeniliklərə hər zaman açığam, mütəmadi olaraq öz sahəm üzrə araşdırmalar aparıram. Hər bir situasiyada dürüst və ədalətli biri olmağa çalışıram.

- Ailəlisiniz?

- Ailəliyəm, 2 övladım var.

- Nəyə "yox" deyərsiniz?

- Psixoloqa müraciət edən şəxslərin manipulyasiya edilməsinə qarşıyam. Adətən psixoloqa müraciət edən insanların bir qisminin problemləri ətrafındakı insanlardan, mühitdən qaynaqlanır. Hətta bəzən olur ki, seansa gələn insanlara tanışları və ya digər insanlar sanki ”qüsurlu” bir insan kimi davranır, halbuki seanslar olandan sonra həmin insanların düşüncələri müsbət istiqamətə doğru dəyişir. Psixoloqlara və müraciət edən pasiyentlərə münasibətdə cəmiyyətdə olan bu tipli yanaşmaya "yox" deyirəm.

- Oxuculara nə məsləhət görərsiniz?

- Belə bir deyim var, sağlam bədəndə sağlam ruh olar. Amma mən isə deyərdim ki, sağlam bədən sağlam ruhun nəticəsidir. Buna görə də hər bir insan daima öz üzərində çalışmalı, öz ruhunu qorumalı və təkamülə çatdırmalıdır.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, ölkəmizdə psixologiya sahəsi bu qədər surətlə inkişaf edəcək. Hal-hazırda olduqca savadlı, öz sahəsini peşəkarcasına bilən mütəxəssislərimiz yetişir. Bununla yanaşı, inkişafın dayanıqlı olması üçün elmi-praktiki işlərin artırılmasına, bu sahədə davamlı təlimlərin keçirilməsinə ehtiyac vardır.

Əlaqə nömrəsi: (051) 960 12 09

İnstagram: psixoloq_gunay_bilalova



скачать dle 10.6фильмы бесплатно