- Səma xanım, necə oldu ki, bu sahəyə gəldiniz?

- İnsan psixologiyası və insanın etdiyi hər bir hərəkətin səbəbi məni hər zaman çox maraqlandırırdı. Bu düşncələr məni o qədər maraqlandırdı ki, nəticədə özümü psixoloq olaraq tapdım.

- Artıq neçə ildir ki, bu sahədəsiniz?

- Yeddi ilə yaxındır ki, bu sahədə fəaliyyət göstərirəm.

- İş prinsipiniz nədən ibarətdir?

- İş prinsipim insanları doğruya, pozitiv yaşama yönəltməkdən və onları özlərində yaratdıqları xoş niyyətlərə çatdırmaqdan ibarətdir.

- Öz sahəniz üzrə hansı işləri icra edirsiniz?

- Mənə müraciət edən bir insan hansısa xəstəlikdən əziyyət çəkirsə, özgüvən əksikliyindən ruhun və bədənin birgə yaratdığı təməl sevgiyə ehtiyac duymaq və bədəni müəyyən xəstəliklərlə xəstə etmək insanın özü-özünə dönməsi və özünü müalicə etdirməsindən qazandığı bu sevgini araşdırıb və insana tamamilə sağlam düşüncədə və sağlam öz sevgiyə gətirməkdir.

- İnsanlar sizə daha çox nə ilə bağlı müraciət edirlər?

- Xəstəliklərlə bağlı, ana olmağa çətinlik çəkən xanınların daxilində gizlətdiyi, qadınlığı heçə saydığı travmalardan azad edərək, ana olmaq hissini yaşatmaq, bundan başqa bolluq və bərəkət, günümüzdə olan qıtlıq bilincini kökünü təmizləyərək zənginlik şüuruna keçmək və daha sonra insanların saatlı şəkildə işləmək fikrini dəyişdirib öz işində uğur qazanmağın inancını proqramlaşdırırıq.

- Xarakter olaraq necə birisiniz?

- Lazım gələndə ağlımın, lazım gəldikdə isə qəlbimin səsini dinləyirəm. Hadisələrə uyğun cavab verirəm.

- Ailəlisinizmi?

- Bəli, ailəliyəm. İki övladım var.

- Bir psixoloq olaraq nəyə "yox" deyirsiniz?

- İstəmədiyim hər bir şeyə "yox" deyirəm və özümü heç nəyə məcbur etmirəm. Bunu da hər kəsə məsləhət görürəm. Çünki "yox" deyə bilmədiyimiz hər şey bir düyün olaraq boğazımızda ilişir və bu da boğaz cakrasının bağlanmasına gətirib çıxardır. Elmi araşdırmalara görə, hər "yox" deyə bilməyən insanlar zob xəstəliyindən əziyyət çəkirlər.

- Oxuculara nə məsləhət görürsünüz?

- Bu həyatda mümkünsüz heç nə yoxdur. Bilincaltının fərqində olsunlar və "mən bunu bacara bilmərəm" deməsinlər. İnsan istədiyi hər şeyə çata bilər. Yetər ki, bilincaltını dəyişdir və öz talehini yenidən yarat.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, mən bu qədər dəyişərəm. Hər pasientimlə bərabər sanki mən də yenidən şəfa tapıram və özümü dünyaya yenidən gəlmiş kimi hiss ediərəm. Hər bir pasientimlə səmimi və doğma olduğuma görə bütün ruhum yenilənir.

Əlaqə nömrəsi: (050) 224 72 82

İnsragram: as_akademiya_terapiya_tedris



скачать dle 10.6фильмы бесплатно