- Nailə xanım, necə oldu ki, bu sahəyə gəldiniz?

- İnsanları analiz etmək həmişə maraq dairəmdə olub. Onları dinləməyi, anlamağı sevmişəm. Reanimasiyada işlədiyim zamanlarda insanların eyni cür dünyaya gəlib, eyni cür dünyadan köçdüyü, lakin hər kəsin fərqli xarakterə sahib olmağı mənə maraqlı gəldi. Bunu analiz etmək üçün psixologiya sahəsini seçdim. Karvasarski universitetində, Kənan Rəhimovun Psixologiya məktəbində CBT, CBt Master, Geştalt, NLP, Art terapiya, və s. kimi sahələr üzrə təlimlər aldım. Bundan sonra da biliklərimi təkminləşdirmək və bu sahədə daha da irəli getmək barədə düşünürəm.

- Artıq neçə ildir ki, bu sahədəsiniz?

- Tibb sahəsinə 10 il, psixologiya sahəsində isə üç ildir fəaliyyət göstərirəm.

- İş prinsipiniz nədən ibarətdir?

- İnsanların özlərini özlərinə qaytarmaq, onlara xoşbəxtliyi kənarda yox, özlərində axtarmağı aşılmaq, yalnış düşüncələrini doğru istiqamətə yönəltmək əsas iş prinsipimdir.

- Hansı yaş qrupuna aid insanlarla çalışırsınız?

- Daha çox yeniyetmələrlə çalışıram. Eyni zamanda, yetkin və yaşlı insanları da qəbuı edirəm.

- Son zamanlarda sizə daha çox nə ilə bağlı müraciət edirlər?

- Daha çox özgəvənsizlik, xəyanət, natamamlıq, depressiya və s. problemlərlər ilə rastlaşırıq.

- Xarakter olaraq necə birisiniz?

- Hər insanın hansı xarakterdə olduğunu anlayıb, ona uyğun addım atmağı bacaran biriyəm.Ona görə də, xarakterim dəyişir. Dürüst biriyəm. Dürüstləri sevirəm. Bir də ki, insanlara nifrət etməyi bacarmıram.

- Bir psixoloq olaraq nəyə "yox" deyirsiniz?

- Mən məsləhət verməyə, insanları özümdən asılı vəziyyətə salmağa qəti surətdə "yox" deyirəm. Onların verdikləri suallara sualla cavab verib, özlərini düşünməyə vadar edirəm. Bir də ki, insanların haqlarının tapdalanmasına və şiddətə, zorakılığa "yox" deyirəm.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu iş bu qədər məsuliyyətli olar və mən bu işdə bu qədər xoşbəxt olaram.

Əlaqə nömrəsi: (055) 381 21 55




скачать dle 10.6фильмы бесплатно