- Fərqanə xanım, necə oldu ki, bu sahəyə gəldiniz?

- Mənim uşaq olarkən anam qonşulara, qohumlara iynə vuranda baxırdım və xoşumə gəlirdi. On dörd yaşım olanda mən də özüm-özümə iynə vurmağa başladım və sonra sistem qoşdum. Gördüm ki, məndə alınır. Ümumiyyətlə, riski sevirdim. Böyüdüm, ailə qurdum. Başqa bir sahədə işlədim. Amma tibb sahəsi məni çəkirdi. Bir müddət travmatologiyada həkim köməkçisi işlədim. Sonra lazer kurslarına getdim və daha sonra kosmetologiyaya gəldim.

- Artıq neçə ildir ki, bu sahədəsiniz?

- Ümumilikdə 16 ildir ki, iş sahəsindəyəm. Amma dörd ildir ki, kosmetologiya sahəsində faəliyyət göstərirəm.

- Öz sahəniz üzrə hansı işləri icra edirsiniz?

- Kosmetologiyaya aid, demək olar ki, bütün prosedurları icra edirəm.

- Son zamanlarda xanımlar sizə daha çox nə ilə bağlı müraciət edirlər?

- Daha çox dodaq və burun dolğuları ilə bağlı müraciət edirlər.

- İş prinsipiniz nədən ibarətdir?

- Pasintlərə pul mənbəyi kimi baxmamaq əsas iş prinsipimdir.

- Tələbələriniz varmı?

- Bəli, var.

- Xarakter olaraq nece birisiniz?

- Ciddi biriyəm. Bu da işdə mənim üçün çox önəmlidir.

- Özünüz-özünüzə hansısa bir prosedur edirsinizmi?

- Bəli, özümə lazım olan prosedurları icra edirəm.

- Xanımlara nə məsləhət görürsünüz?

- Ehtiyacları olmadıqları təqdirdə kosmetoloqa müraciət etməsinlər. Özləri kimi olsunlar. Heç kimə bənzəməyə çalışmasınlar. Çünki hər sima individualdır. Çalışsınlar ki, öz təbiiliklərini qoruyub-saxlasınlar.

- Mən bu sahəyə gələrkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gələn hər şeyi etmişəm ( gülür).

Əlaqə nömrəsi: (055) 745 28 60






скачать dle 10.6фильмы бесплатно