- Turab bəy, necə oldu ki, bu sahəyə gəldiniz?

- Gözümü açandan ətrafımda həkimlər görmüşəm. Ailəmdə hər kəs həkimdir. Başqa bir sahə barədə düşünməmişəm. Nə yaxşı ki, stomatoloq olmuşam. İşimi çox sevirəm.

- Artıq neçə ildir ki, bu sahədəsiniz?

- Artıq yeddi ildir ki, bu sahədə fəaliyyət göstərirəm.

- İş prinsipiniz nədən ibarətdir?

- Sterilizə qaydalarına düzgün riayət etmək əsas iş prinsipimdir.

- Öz sahəniz üzrə hansı işləri icra edirsiniz?

- Diş estetikasına aid bütün prosedurları icra edirəm.

- Hansı yaş qrupuna aid pasientlərlə çalışırsınız?

- Yaş məhdudiyyəti yoxdur. Bütün yaş qrupuna aid pasientləri qəbul edirəm.

- Bu sahədə görmək istədiyiniz, amma görə bilmədiyiniz məqamlar hansılardır?

- Bəzi həkimlər madiyyata görə pasientlərə yalan danışırlar. Belə hallara qəti surətdə "yox" deyirəm.

- Əvvəllər stomatoloq kimi daha çox bəyləri görürdük. İndi xanım stomatoloqların sayı artıb və pasientlərin əksəriyyəti də xanımlara müraciət edirlər. Sizcə, niyə belədir?

- Yəqin ki, xanımların daha incə işləməyinə görədir.

- Xarakter olaraq necə birisiniz?

- Zarafatı yerli-yerində edən, az gülməyə üstünlük verən biriyəm.

- Oxuculara nə məsləhət görürsünüz?

- Məsləhət görürəm ki, dişlərini hər altı aydan bir müayinə etdirsinlər. Bu günün işini sabaha saxlamasınlar. Çünki vaxtında olunan müdaxilə və müalicə gələcəkdə yarana biləcək fəsadların qarşısının alınması deməkdir.

Əlaqə nömrəsi: (077) 744 44 43


скачать dle 10.6фильмы бесплатно