- Nigar xanım, necə oldu ki, bu sahəyə gəldiniz?

- İlk öncə bir qadın kimi gözəl görkəmimi qoruyub saxlamaq bu sahəyə məndə maraq yaratdı. Gündəlik öhdəliyim olaraq cıxdığım bu yolun sonralar peşə fəaliyyətim olacağına heç özüm də inanmazdım.

- Artıq neçə ildir ki, bu sahədəsiniz?

- Uzun illərdir həvəskar, mütəmadi fəaliyyət illəri, həmçinin 5 il peşəkar iş təcrübəm ilə birgə 10 ilə dayanan bir iş təcrübəm var.

- İş prinsipiniz nədən ibarətdir?

- İş prinsipim 7-dən 77-yə hər kəsin sağlam həyat tərzi keçirməsindən ibarətdir.

- Öz sahəniz üzrə hansı işləri icra edirsiniz?

- Çəki atma il yanaşı, bütün xəstəliklərdə, hamiləlik və laktasiya dövründə qidalanma planı hazırlayıram. Uşaqlarda düzgün qidalanmanı tətbiq edirəm. Eyni zamanda çəki defisiti yaşayanlara da düzüz çəki alması üçün sağlam qidalanma menyusu tərtib edirəm.

- Son zamanlarda sizə daha çox nə ilə bağlı müraciətlər olur?

- Hal-hazırda bütün dünyada qlobal problemə çevrilmiş artıq çəki və piylənmə ile bağlı müraciət edirlər.

- Xarakter olaraq necə birisiniz?

- Xarakter olaraq səmimi, pozitiv, şən biriyəm. Pasientlərimlə münasibətlərimi mehribançılıq üzərində qururam. Bu, həm də onlara psixoloji dəstək olur. Çəkinmədən mənimlə bu yolda olan problemlərini bölüşürlər.

- Ailəlisinizmi?

- Bəli, ailəliyəm. İki qızım var.

- Bir mütəxəssis olaraq nəy "yox" deyirsiniz?

- Gündəlik həyat tərzimizdə bacardıqca un, şəkər, paket və işlənmiş qidalar, fast foodlara "yox" deyirəm.

- Oxuculara nə məsləhət görürsünüz?

- Məsləhət görərdim ki, sağlam qidalanma və ən azı otuz dəqiqə yürüyüş etməyi həyat tərzinə çevirsinlər. Çünki sağlam bədəndə sağlam ruh olar.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, mən bu gün yüzlərlə qadınım sevincinə səbəb olub, çəki atıb özgüvən yaratmaqla yanaşı sağlamlıqlarına qovuşduracam.

Əlaqə nömrəsi: (055) 933 00 40













скачать dle 10.6фильмы бесплатно