- Almaz xanım, necə oldu ki, bu sahəyə gəldiniz?

- Həkimliyə marağım uşaqlıqdan olub. Buna görə 5 saylı kimya biologiya litseyinə daxil oıdum. Ölkəmizdə test üsulunun tətbiqi isə bu hədəfi reallaşdırmağa kömək etdi.

- Artıq neçə ildir ki, bu sahədəsiniz?

- İyirmi ilə yaxındır ki, bu sahədə fəaliyyət göstərirəm.

- İş prinsipiniz nədən ibarətdir?

- İnsanlara faydalı olmaq və hər bir pasiyentimi doğmam kimi qəbullanıb, bu sahədə ən yaxşı xidməti göstərmək əsas iş prinsipimdir.

- Öz sahəniz üzrə hansı işləri icra edirsiniz?

- Radiologiya sahəsi olduqca geniş bir sahədir. Bu sahənin geniş tetbiq olunan ultrasəs müayinəsi ilə biz əsas fetal, yəni hamiləlik müayinəsi, ginekoloji, süd vəzi, boyun və qarın boşluğunun araşdırılmasını icra edirik.

- İnsanlar son zamanlarda sizə daha çox nə ilə bağlı müraciət edirlər?

- İlk başladığım iş yerim Doğum Evi olduğu üçün qadın pasiyentlerimiz üstünlük təşkil edir. Bu səbəbdən, hamiləlik və qadın görüntüləmə ile bağlı daha çox müraciət olunur.

- Xarakter olaraq necə birisiniz?

- Prinsipial və tələbkar biriyəm. Dürüst və vicdanlı olduğumu deyirlər. Güclü bir insan olduğumu düşünürəm.

- Ailəlisinizmi?

- Bəli, aileliyəm. Yoldaşım da həmkarımdır. Bir övladımız var.

- Bir həkim olaraq nəyə "yox" deyirsiniz?

- Biganəliyə və cəhalətə "yox" deyirəm.

- Oxuculara nə məsləhət görürsünüz?

- Hər kəsə ilk olaraq sağlamlıqlarının qeydinə qalmağı və bunun üçün gecikməməyi məsləhət görərdim. Bədənimiz bizə Yaradanın əmanətidir, onu sevməli və qorumalıyıq. Bir də həyata pozitiv baxmaq lazımdır. İnsanlar kimliyindən və tutduğu vəzifədən asılı olmayaraq, bir-birlərinə qarşı hörmətlə yanaşsınlar. Ancaq yaxşı əməllər üçün yaşasınlar.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, həkimlik bu qədər çətin və fədakarlıq tələb edən bir peşədir. Buna baxmayaraq, bu dünyaya bir daha gəlsəydim, yenə də həkim olardım.

Əlaqə nömrəsi: (050) 314 67 04





скачать dle 10.6фильмы бесплатно