- Şəfiqə xanım, necə oldu ki, bu sahəyə gəldiniz?

- "Bütün travmalar uşaqlıq dövründən yaranır. Əgər onların vaxtında qarşısını alsaq və ya aradan qaldırsaq uşaqlarda sağlam böyüyər" bu fikirlər məni məhz uşaq psixologiyasına gətirdi. Uşaq psixoloqu kimi işləməyi sevirəm, bu da uşaqlara olan sevgimdən irəli gəlir.

- Artıq neçə ildir ki, bu sahədəsiniz?

- Artıq 5 ildən çoxdur ki, bu sahədə fəaliyyət göstərirəm.

- İş prinsipiniz nədən ibarətdir?

- Uşaqlar sağlam və xoşbəxt böyüsünlər, uğurlu şəxsiyyət kimi formalaşsınlar, çünki onlar bizim gələcəyimizdir.

- Öz sahəniz üzrə hansı işləri icra edirsiniz?

- Uşaqlara psixoloji və fiziki problemlərinin aradan qaldırılmasında dəstək oluram. Uşaqlarda davranış pozuntusu, qorxular, diqqət əksikliyi və hiperaktivlik, ünsiyyət çətinliyi, təlim uğursuzluqları, enurez, enkoporez, psixi inkişaf ləngiməsi, uşaq serebral iflici, SMA və s. problemlərin korreksiyası ilə məşğul oluram.

- Son zamanlarda sizə daha çox hansı problemlərlə bağlı müraciətlər olur?

- Mənə daha çox qorxular, diqqət əksikliyi, hiperaktivlik, davranış pozuntusu, uşaq serebral iflici, ünsiyyət çətinliyi, təlim uğursuzluqları, uşaqlarda müxtəlif nevroloji problemlərlə müraciət edirlər.

- Xarakter olaraq necə birisiniz?

- Xarakter tipi olaraq ambivertəm. Xüsusiyyətlərə gəldikdə isə xeyirxah, vicdanlı, məsuliyyətli, ədalətli, əməksevər, prinsipial, qayğıkeş, dürüst biriyəm.

- Ailəlisinizmi?

- Bəli, ailəliyəm.

- Bir psixoloq olaraq nəyə "yox" deyirsiniz?

- Bir psixoloq olaraq vicdansızlığa, laqeydliyə, məsuliyyətsizliyə "yox" deyirəm.

- Oxuculara nə məsləhət görürsünüz?

- Oxuculara məsləhət görə bilərəm ki, öz peşələrini sevsinlər, daima maariflənsinlər, özlərini inkişaf etdirsinlər. Beləliklə özlərinə, ailələrinə, cəmiyyətimizə və dövlətimizə faydalı olsunlar. Onlara uğurlar arzu edirəm.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, bu qədər çoxsaylı travmalı, problemli uşaqlarımız ola bilər.

Əlaqə nömrəsi: (050) 241-80-51

İnstagram: psychologist_shafiqa_rzayeva


скачать dle 10.6фильмы бесплатно