- Xalidə xanım, necə oldu ki, həkim oldunuz?

- Bu sahəyə uşaqlıqdan həvəsim olub. Həmişə istəmişəm ki, ağ xalat geyinim. Həmin sevgi məni bu sahəyə gətirdi və həkim oldum. Yaxşı ki, oldum. İşimi çox sevirəm.

- Artıq neçə ildir ki, bu sahədəsiniz?

- Artıq 17 ildir ki, bu sahədə fəaliyyət göstərirəm.

- Öz sahəniz üzrə hansı işləri görürsünüz?

- Ginekologiyaya aid bütün əməliyyatları və müalicələri icra edirəm.

- İş prinsipiniz nədən ibarətdir?

- Pasienti gülərüz qarşılamaq və ona düzgün diaqnoz qoyub, müalicə etmək əsas iş prinsipimdir.

- Son zamanlarda sizi daha çox narahat edən nədir?

- Xanımlar həkimə çox gec müraciət edirlər. Bu da müəyyən fəsadların yaranmasına gətirib çıxardır. Ona görə də, xanımlar həkimə vaxtında müraciət etməlidirlər. Çünki vaxtında olunan müdaxilə və müalicə gələcəkdə yarana biləcək fəsadların qarşısının alınması deməkdir.

- Xarakter olaraq necə birisiniz?

- Çox mülayim bir insanam. Heç kimin qəlbini qıra bilmirəm.

- Bir ginekoloq olaraq nəyə "yox" deyirsiniz?

- Bayaq dediyim kimi, insanların həkimə gec müraciət etməsinə qəti surətdə "yox" deyirəm.

- Mən həkim andı içərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, həkimlik peşəsini sevdiyimdən də artıq sevəcəyəm.

Əlaqə nömrəsi: (055) 222 29 36


скачать dle 10.6фильмы бесплатно