- Səkinə xanım, necə oldu ki, həkim oldunuz?

- Həkim olmaq mənim uşaqlıq arzum olub. Bu həvəslə də 16 yaşım olarkən məktəbi bitirdim və Tibb Universitetinə daxil oldum. Oranı bitirdikdən sonra intrernaturanı bitirdim və özəl klinikalarda çalışmağa başladım.

- Artıq neçə ildir ki, bu sahədəsiniz?

- Artıq on bir ildir ki, bu sahədə faəliyyət göstərirəm.

- Öz sahəniz üzrə hansı işləri icra edirsiniz?

- Mən ilk doqquz il həkim-terapevt kimi işləmişəm. Amma artıq iki ildir ki, kosmetoloq olaraq fəaliyyət göstərirəm. Kosmetologiyaya aid bütün prosedurları icra edirəm.

- Yalnız xanımlarla çalışırsınız, yoxsa bəy pasientləriniz də olur?

- Həm xanım, həm də bəy pasientlərim olur.

- Ailəlisinizmi?

- Bəli, ailəliyəm. Dörd övladım var.

- Xarakter olaraq necə birisiniz?

- Mən özümü ailəmə, övladlarıma həsr etmiş biriyəm. Sadə və səmimi insanam.

- Bu sahədə görmək istədiyiniz, amma görə bilmədiyiniz məqamlar hansılardır?

- Pasintlər kosmetoloqları sanki həkim kimi görmürlər. Bizim təyin etdiyimiz müayinələrə getmək istəmirlər. Bəzən olur ki, biz üzdəki problemin kökünü axtarmaq üçün daxili orqanların müayinəsini istəyir, amma təəssüflər olsun ki, pasientlər buna ciddi yanaşmırlar.

- Bir həkim olaraq nəyə "yox" deyirsiniz?

- İnsanların görkəmcə süniləşməyinə qəti sürətdə "yox" deyirəm. Mən təbiiliyin tərəfdarıyam.

- Oxuculara nə məsləhət görürsünüz?

- Məsləhət görürəm ki, öz sağlamlıqlarının qədrini bilsinlər və vaxtında müayinə olunsunlar.

- Mən həkim andı içərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bəzi həkimlərin andları yadından çıxacaq. Amma mən şükr edirəm ki, bu and qarşısında vicdanım təmizdir.

Əlaqə nömrəsi: (055) 680 08 30скачать dle 10.6фильмы бесплатно