- Vüsalə xanım, necə oldu ki, psixoloq oldunuz?

- Sırf psixoloq olmaq arzum olmayıb. Lakin universitetə qəbul olduqdan sonra bu sahəni sevməyə başladım. Nə yaxşı ki, psixoloq olmuşam.

- Artıq neçə ildir ki, bu sahədəsiniz?

- Artıq on yeddi ildir ki, bu sahədə fəaliyyət göstərirəm.

- Bu illər ərzində nə müşahidə etdiniz?

- Əvvəlki illərə nisbətən indi psixoloqla müraciət edənlərin sayı artıb.

- Sizə daha çox hansı problemlərlə bağlı müraciət edirlər?

- Daha çox panik-ataklarla bağlı müraciətlər olur.

- Hansı yaş qrupuna aid insanlarla çalışırsınız?

- Bütün yaş qrupuna aid insanlarla çalışıram.

- Hansı üsullarla çalışırsınız?

- Əsasən NLP, koqnitiv terapiya və psixodiaqnostika üsullarından istifadə edirəm.

- Son zamanlarda boşanmaların sayı artıb. Bunu nə ilə əlaqələndirirsiniz?

- Bunun təməlində əsasən xəyanət dayanır. Xəyanət də indi ölüm kimi çox ucuzlaşıb. Ümumiyyətlə, çox ailələr kiçik bir problemi çox böyüdürlər.

- Bir psixoloq olaraq nəyə "yox" deyirsiniz?

- Mən bütün problemləri qəbul edirəm. Amma narkomaniyaya və narkomanlarla işləməyə qəti sürətdə "yox" deyirəm.

- Öz sahənizdə görmək istədiyiniz, amma görə bilmədiyiniz məqam hansıdır?

- Bizdə psixoloqa bir o qədər də dəyər verilmir. Çox istərdim ki, xarici ölkələrdə olduğu kimi bizdə də hər ailənin psixoloqu olsun.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu sahəni bu qədər sevərəm, işimə bu qədər bağlı olaram və bu qədər uğurlarım olar.

Əlaqə nömrəsi: (055) 979 91 93