- Xanım xanım, necə oldu ki, bu sahəyə gəldiniz?

- Hələ uşaq yaşlarımdan çox mərhəmətli və yardımsevər idim. Hər zaman hamının köməyinə yetişərdim. Bilirsinizmi, mən hər bir insanın bir amal, bir missiyayla dünyaya gəldiyinə çox inanıram. Ona görə də həkimlik və mən bir bütövük, öz missiyamı tapmış və tamamlamış kimi...

- Artıq neçə ildir ki, bu sahədəsiniz?

- Artıq 15 ildir ki, bu sahədəyəm. Demək olar ki, Azərbaycan Tibb Universitetini bitirən kimi fəaliyyət göstərmişəm. Əvvələr həkim hematoloq kimi işləmişəm. Son on ildir ki, həkim radioloq-ultrasəs həkimi kimi fəaliyyət göstərirəm.

- İş prinsipiniz nədən ibarətdir?

- Əsas iş prinsipim yararlı olmaqdır. Bilirsinizmi, bir perfeksionist kimi nə edirəmsə, ən yaxşısını etməyə çalışıram. Bu hər yerdə belədir. Prinsipim nə edirəmsə, bacardığımın ən mükəmməlini etməkdir.

- İnsanlar sizə dah çox nə ilə bağlı müraciət edirlər?

- Radiologiya böyük məhfumdur. Eləcə də, onun kiçik bir sahəsi olan ultrasəs müayinəsi, amma özündə o qədər müayinələri birldirir ki, başdan ayağa kimi... Bununla yanaşı, həm ata, həm ana nəslimin ilk və tək həkimi mənəm. Xasiyyətim gərəyi ilə də müraciət edən hər bir pasientə kömək etməyə çalışıram. İxtisasım daxilində olmasa da, heç kəsə laqeyd qala bilmirəm.

- Öz sahəniz üzrə hansı işləri görürsünüz?

- Öz sahəm üzrə daxili orqanların tam müayinəsi və doppleri, qadınlarda pelvik orqanların ginekoloji müayinəsi, süd vəzisi, kişilərdə prostat prostat vəzin müayinəsi ilə məşğul oluram. Əsasən hamilələrlə işləyirik. 1-ci, 2-ci, 3-cü trimester hamiləlik zamanı skrininq və rutin kontrolların aparılması, hamiləlik doppleroqrafyası, aşağı ətrafların, boyun damarlarının broxiosefal doppleri, yumuşaq toxuma və limfa düyünlərinin müayinəsi, uşaqlarda bud çanaq və neyrosinoqrafiyasını son protokollara uyğun aparıram.

- Ailəlisinizmi?

- Bəli, ailəliyəm. Üç övladım var.

- Bir həkim olaraq nəyə "yox" deyirsiniz?

- Bir həkim olaraq "həkim cəhaləti"nə "yox" deyirəm. Biz həkimlər hər gün yenilənən tibbi hər gün öyrənməliyiyik, araşdırmalıyıq. Dünya standartlarından, beynəlxalq normativlərdən xəbərdar olub, onları öz praktikamıza tətbiq etməliyik. Artıq sovet dövre deyil!!! İnteqarasiya, tərəqqi, texnologiya dövründəyik. Necə deyərlər, bilməmək ayıb deyil, bilməyib öyrənməmək ayıbdır!

- Xarakter olaraq necə birisiniz?

- Yardımsevər və ədalətli biriyəm.

- Oxuculara nə məsləhət görürsünüz?

- Oxuculara ildə bir dəfə, ehtiyac olduqda isə iki dəfə ultrasəs müayinəsindən keçməyi məsləhət görürəm. Çünki vaxtında qoyulan düzgün diaqnoz həyat keyfiyyətini yaxşılaşdırır və ömrü uzadır. Düzgün diaqnoz isə müalicənin yarısıdır.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu işlə bu qədər bütövləşərəm. Dünyaya gəlişimi, missiyamı tam anlamilə tamamlamış olaram.

Əlaqə nömrəsi: (055) 374 50 00

İnstagram:

dr.xanim_aliyeva_usm

скачать dle 10.6фильмы бесплатно