- Tural müəllim, necə oldu ki, bu sahəyə gəldiniz?

- Mən Dövlət Pedoqoji Universitetini korreksiya edici təlimi üzrə bitirdim. Oranı bitirdikdən sonra uşaq nevroloji mərkəzində fəaliyyətə başladım. Sonra müxtəlif özəl müəssisələrdə çalışdım. Hal-hazırda "Dioloji Nitq İnkişaf" mərkəzində öz komandamızla fəaliyyətimizi davam etdiririk. Mənim əsas məqsədim problemli uşaqlara yardım etmək olub. Universitetdə də oxuyarkən bu sahəyə marağım daha da artdı. Öz peşəmi sevməyə başladım və bu sahəni seçdim.

- Artıq neçə ildir ki, bu sahədə fəaliyyət göstərirsiniz?

- Doqquz ildir ki, bu sahədəyəm.

- Hansı metodlar əsasında işləyirsiniz?

- Biz Dünya və Avropa metodları əsasında çalışırıq. Ən əsas metodumuz binaural terapiya üsuludur ki, onu da Azərbaycana ilk dəfə mən gətirmişəm. Hal-hazırda ona oxşar metodlar var. Amma bu işi dərindən bilmək lazımdır. Baş-beyinin EEG-lərini oxumaq, oradakı frenkasları tutmaq gərəkdir. Məsələn, insan mürgüləyəndə teda, yuxuya gedəndə delta, aktiv fəaliyyətdə olanda beta, dinlənmə modunda olanda alfa, sevgi hissi yaşayanda isə qamma dalğalarının təsiri altında olur. Biz əvvəlcə frekansları müayinə edirik və bəzən görürük ki, sadaladığımız dalğalarda müəyyən qədər zəiflik var. O zaman biz qulaqlar vasitəsilə beyini qıcıqlandırırıq ki, frekanslar qaydaya düşsün. Kəkələmə nitq inkişafı da bu yöndədir. Uşaqlarla qavrama qaydaları işləyirik, bu da dalğaların bərabərləşməsinə köməl edir.

- Son zamanlarda sizə daha çox hansı problemlərlə bağlı müraciət edirlər?

- Daha çox kəkələmə ilə bağlı müraciətlər olur.

- Bu hallar niyə baş verir?

- Mənim fəaliyyətimin doqquz ilini illərə bölsək, ilk iki ildə kəkələmə daha çox qoruxlar nəticəsində yaranırdı. Sonrakı iki ildə ailədaxili münqaşilərədən əmələ gəldiyinin şahidi olmuşam. Son illərdə isə nitq inkişafının ləngiməsindən irəli gəldiyini görürəm. Kəkələməsi olan uşaqları loqopeda aparırlar. Bəzi loqopedlər uşağın beynini hədsiz informasiyalarla yükləyirlər. Bu, düzgün deyil. Çünki beyin çatdırmır. Kəkələmə onsuz da beyin tempo ritminin pozulması deməkdir.

- Mərkəzinizdə hansı işlər görülür?

- Bizim mərkəzimizdə loqopedik, psixoloji, defektoloji məşğələlər keçirilir. Müxtəlif yaş qruplarındam ibarət qruplar yaradılır. Təcrübəli mütəxəssislərlə işləyirik. Onların hər biri uşaqlarla öz övladları kimi davranırlar.

- Bəs özünüz xarakter olaraq necə birisiniz?

- Deyilənə görə, uşaqlıqda davakar olmuşam. Çılğın biriyəm. Amma bir o qədər də şən və pozetivəm.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, uşaqları bu qədər sevərəm və səbrli olaram.

Əlaqə nömrəsi: (070) 654 34 81


скачать dle 10.6фильмы бесплатно