- Ruhiyyə xanım, necə oldu ki, bu işə başladınız?

- Mən həmişə bütün xanımları gözəl görmək istəmişəm, ona görə də bu peşəni seçdim və xanımları xoşbəxt gördükcə sənətimi daha çox sevdim.

- Artıq neçə ildir ki, bu sahədəsiniz?

- Altı ildir ki, bu sahədəyəm.

- Bu illər ərzində nə müşahidə etdiniz?

- Müxtəlif xarakterli insanlarla rastlaşdıq. Amma şükürlər olsun ki, hər birinin sevgisini, rəğbətini və güvənini qazandım.

- Tələbələriniz varmı?

- Bəli, var. Hal-hazırda bir sıra ölkədə, şəhər və rayonlarda fəxr ediləcək xeyli sayda tələbələrim var. Sevinirəm ki, onların yaxşı işləri sayəsində adım hallanır. Onlardan soruşanda ki, müəllimən kim olub, Ruhiyyə xanım cavabını eşitmək çox qürurverici olur.

- İşiniz nədən ibarətdir?

- Əsasən qalıcı makiyaj, permanent, mikroblading, qalıcı liner, qalıcı pamada və və s. edirəm.

- Sizcə, bir xanımı daha da gözəl göstərən nədir?

- Bir xanımı gözəl göstərən ilk növbədə onun xarakteri, sonra isə simasıdır. Simasında isə ilk olaraq qaşları və dodağıdır.

- Nəyə "yox" deyirsiniz?

- Bəzi dirnaqarası masterlərin keyfiyyətsiz boya ilə işləməsinə “yox” deyirəm.

- Son zamanlarda xanımlarda eyni simalara rast gəlirik. Bu, nədən irəli gəlir?

- Biz öz işimizdə təbii görünməyə üstünlük veririk. Eyni görünmək isə xanımların öz seçimidir.

- Xanımlar indi daha çox təbii, yoxsa qalıcı makiyaja üstünlük verirlər?

- İndi daha çox qalıcı makiyaja üstünlük verirlər. Çünki qalıcı makiyaj həm də rahatçılıqdır.

- Mən bu işi seçərkən ağlıma gəlməzdi ki,.. Bu fikri tamamlayın, zəhmət olmasa.

- Ağlıma gəlməyən heç nə yox idi. Bu işdə hər zaman öndə olacağam, hər kəsin sevgisini qazanacağam və çox şükür ki, belə də davam edirəm.

Əlaqə üçün: (051) 534 17 45скачать dle 10.6фильмы бесплатно