- Nara xanım, zaman adlı bir "at" sizi haradan götürüb haraya gətirdi?

- İnsan həyata göz açandan etibarən dərk edir ki, zaman gedir. Zaman məni elə bir yerə gətirdi ki, mən indi musiqinin içərisindəyəm. Çox xoşbəxtəm ki, bu məqama gəlib çatdım. Düzdür, efirlərə çıxmasam da, bəlli bir kütlə tərəfindən tanınıram. Bir hədəfim var, ona doğru gedirəm.

- Bu gün niyə barmaqla göstərilənlərdən deyilsiniz?

- Bəlkə də sadəliyimdən və səmimiliyimdən irəli gəlir. Mən təkəbbürlü insan deyiləm. Sabah lap məşhur olsam da, istəmirəm ki, tamaşaçının yaddaşında özündən razı biri kimi qalım.

- Səhnə üçün sizdə hər şey bir-birini tamamlayırmı?

- Səhnə üçün vacib olan ilk növbədə səsdir. Vizual görünüşüm də var. Amma mən simamla gündəmə gəlmək istəmirəm. Müasir düşüncəli insanam.

- Ailəlisinizmi?

- Xeyr, deyiləm.

- Bir müğənni olaraq nəyə "yox" deyirsiniz?

- Səsi olmayan , amma oxuyan, özünə müğənni deyən bir çox insanlar var. Mən onların oxumağına "yox" deyirəm. Ad çəkməyəcəm, amma elələrini duelə çağırmağa hazıram.

- Sənətdə sizə dəstək olan varmı?

- Xeyr, yoxdur.

- Bütün janrlarda ifa edirsiniz?

- Əsasən lirik və xalq mahnılarına da müraciət edirəm. Bir müğəninin hər janrdan anlayışı olmalıdır.

- Sizə nə veriblər, ala bilmirlər?

- Xanım müğənnilərin əksəriyyəti məni qısqanır. Yəqin ki, mənim səsimi və gözəlliyimi həzm edə bilmirlər.

- Bədəninizin ən cazibədar hissəsi haradır?

- Gözlərimlə cəlb edirəm.

- Şou-biznesdə nədən narazısınız?

- Müğənnilər arasında paxıllıq çoxdur. Qalmaqal yaratmaqdan sanki zövq alırlar.

- Qorxduğunuz nə idi ki, o da başınıza gəldi?

- Mən hələ efirlərdə yoxam, amma indidən görünüşümü müzakirə edirlər (gülür).

- Mən axı haradan biləydim ki,.. Bu fikri özünüz tamamlayın, zəhmət olmasa.

- Mən axı haradan biləydim ki, mənim belə şirin avazım var və mən bu səslə müəyyən bir kütlə tərəfindən bu qədər seviləcəyəm.










скачать dle 10.6фильмы бесплатно