- Gülnarə xanım, necə oldu ki, həkim oldunuz?

- Mənim valideynlərim riyaziyyatçı olublar. Mən də riyaziyyatı yaxşı bilirdim. Olimpiyadalarda iştirak edib yüksək yerlər tuturdum. O zaman valideynlərim elə bilirdi ki, mən də riyaziyyatçı olacağam. O zamanlar Rusiyada yaşadığımız üçün Sank-Peterburq şəhərində riyaziyyat fakültəsinə daxil oldum. Sonra Azərbaycana gəldik. Atamın dostunun qızı Tibb Universitetinə daxil olmuşdu. Atam məndən soruşdu ki, sən də Tibb Universitetinə daxil ola bilərsən? Dedim ki, həkim olmağımı istəyirsənsə, olaram. Həmin il qəbul imtahanı test üsulu ilə keçirilirdi. Mənim də vaxtım az qalmışdı. Bir ayın ərzində hazırlaşdım və 1995-ci ildə Tibb Universitetinə daxil oldum. Bu peşəni seçdiyimə görə peşman deyiləm.

- Niyə məhz oftalmologiyanı seçdiniz?

- Tibb Unversitetində oxuyan qızların əksəriyyəti ginekoloq olmaq istəyirdi. Mən də reanimatoloq olmaq qərarını vermişdim. Lakin bir xanım üçün bu ixtisasın çətin olacağını nəzərə alıb, oftalmoloq olmaq qərarına gəldim.

- Artıq neçə ildir ki, bu sahədəsiniz?

- Ümumilikdə iyirimi ildir ki, bu sahədə fəaliyyət göstərirəm.

- Ailəlisinizmi?

- Xeyr, ailəli deyiləm. Bir qızım var.

- İş prinsipiniz nədən ibarətdir?

- Mən öz pasientlərimə heç vaxt pul mənbəyi kimi baxmamışam. Əsas prinsipim budur.

- Bu peşə sizə nə verdi, sizdən nə aldı?

- Bu peşə məndə özgüvəni artırdı. Amma bu işə görə ailə həyatımı qurban verməli oldum.

- Xarakter olaraq necə birisiniz?

- İşdə daha məsuliyyətli və tələbkaram. İşdənkənar isə özümə qarşı tələbkarlığım azdır (gülür).

[b]- Sizin üçün əsas olan nədir?
- Mənim üçün ən əsası müraciət edən insana kömək etməkdir. Kömək edə bilməsəm də, çalışıram ki, heç olmasa ziyan verməyim.

Əlaqə üçün: (050) 527 05 37





скачать dle 10.6фильмы бесплатно